ကုန်းဘောင်ဆက် မြန်မာ ရာဇဝင်မှ မိန်းမလည် မိန်းမထက် မိဖုရား သုံးပါး အပိုင်း(၁) - နန်းမတော်မယ်နု

ဘကြီးတော်မင်း(ဖန်နန်းရှင်) မှန်နန်းရှင်ဘုရား - ငယ် အမည် မောင်မောင်စိန် ၁၁၈၁-ခုနှစ် နန်းတက်တော်မူ၍ နန်းစည်းစိမ် ၁၈-နှစ် အိမ်နိမ့်စံ ၃၄-နှစ်၊ နံတော် သောကြာသား၊ သက်တော် ၆၁-နှစ်၌ (နန်းကျပြီးနောက် ၈-နှစ်ကြာမှ) နတ်ရွာစံသည် ဟူ၏။

မြန်မာ သမိုင်း၊ ကမ္ဘာ့သမိုင်းရာဇ၀င်တွေကို လှန်လှောဖတ်ရှူမိတဲ့ အခါတိုင်း ရှင်ဘုရင် ဧကရာဇ်မင်းယောက်ျားများသည်သာ အထင်ကရ ထင်ရှားကျော်ကြားပြီး အဓိက ဇာတ်လိုက်အဖြစ် ပါဝင်တတ်ကြပါတယ်။ မိန်းမသားများထဲမှာတော့ ထင်ရှားကျော်ကြားသူကတော့ အင်မတန်မှကို နည်းပါးလှပြီး အဲဒီ အထဲမှာမှနာမည်ဆိုးနဲ့ ကျော်ကြားသူမိန်းမသားများကိုသာ လူအများက ပိုပြီး အမှတ်ရလွယ်တတ်ကြပါတယ်။
(ဥပမာ ကလီယိုပတ်ထရာ )
သို့သော်လည်း ခေတ် အဆက်ဆက်ပြောင်းလာခဲ့ကြတဲ့နောက် အချို့သော ရာဇဝင်ဆရာ၊စာရေးဆရာ တို့ရဲ့ "အာဘော်" ဟူသော စကားလုံး လှလှလေးကို သုံးပြီး ကိုယ်ထင်ရာ မြင်ရာကို ရမ်းသန်းပြီး ဇာတ်နာအောင် သာသာထိုးထိုးလေး ရေးကြပြန်တော့ အနှီ မိန်းမသားများခမျာ နဂိုရှိရင်းစွဲထက်ပိုပြီး ကြမ်း ရမ်း တဲ့ မိန်းမရိုင်းကြီးများ အဖြစ် အသွင်ပြောင်းကာ သေပြီးနောက် နှစ်ပေါင်းအတန်ကြာမှ ပိုပြီး အရှက်ကွဲရ ပိုပြီး နာမည်ကျော်ကြားရ ဖြစ်ကြရတယ်။ ဒါကြောင့် မို့လို့ ရှေး ယခင် စာရေးဆရာများ၏ အာဘော်များ စွပ်စွဲချက်များ မပါရှိပဲ ရာဇဝင် အထောက်အထားများနှင့် ညှိနှိုင်းကာ ကုန်းဘောင်ဆက် မြန်မာ ရာဇဝင်မှ မိန်းမလည် မိန်းမထက် မိဖုရား သုံးပါး ဆောင်းပါး အား ယနေ့ခေတ်အမြင်ဖြင့် နှိုင်းယှဉ်၍ ရေးသားတင်ပြအပ်ပါသည်။

နံပါတ်(၁) နန်းမတော်မယ် နု

နန်းမတော် မယ်နု ဟု အသိများသည့် ရှင်မင်းနုကို မြန်မာ သက္ကရာဇ် ၁၁၄၆ ဝါဆိုလဆုတ် ၅ ရက် အင်းဝမြို့၌ ဖွားမြင်သည်။ မိဘများမှာ ထောင်မှူး ဦးလွှတ်နှင့် ဇနီး မယ်မှန်တို့ ဖြစ်သည်။ မွေးချင်းနှစ်ယောက်ရှိပြီး အကြီးမှာ မောင်အို (စလင်းမင်းသားကြီးဖြစ်လာမည့်သူ)ဖြစ်သည်။နန်းမတော်မယ်နု၏ မျိုးရိုးမှာ ထောင်မှူးသမီး ၊ငါးစိမ်းသည် ၊ကုန်သည် မျိုးရိုး၊မင်းမှူထမ်းမျိုးရိုး ဟု အကွဲကွဲအပြားပြား ပေါက်ပန်းလေးဆယ် ပါးစပ်ရာဇဝင်များဖြင့် ရေးသားကြသော်လည်း တူညီစွာတူသည့် သေချာသည့်အချက်မှာကား မင်းမျိုးမင်းနွယ် နန်းတွင်းသူ မဟုတ်ခြင်းပင်ဖြစ်သည်။ မယ်နု ငယ်စဉ်က အိမ်မှ လူကြီးမိဘများနှင့် တရွာမှ တရွာသို့ သွားလာရာ လမ်းတွင် ဇရပ်တစ်ခု၌ အိပ်ကြ၏။မယ်နုက ထမင်းချက် တာဝန်ယူ၍ ချက်ပြုတ်ရာ မနက်မိုးလင်းသော အခါ မယ်နုထမင်းချက်ခဲ့သောနေရာ၌ မှိုပွင့်ကြီးတစ်ပွင့် ပေါက်လာရာ လူကြီးများက အံ့ဘွယ် နိမိတ်ကောင်းဟု မှတ်ယူကြသည်။ မယ်နု နန်းတွင်းရောက်လာပုံမှာ ဘယ်သူမှ အတိအကျ မသိသော်လည်း ရာဇဝင်များ အရ ထူးခြားလှ၏။ အသက် ၁၂နှစ်သမီး မယ်နု မြစ်ဆိပ်၌ ရေချိုးချိန်တွင် ရေလဲ လုံချည်ကို စွန်ရဲတစ်ကောင်မှ ဘာမှတ်သည်မသိ၊ ချီယူသွားပြီး နန်းတော် အတွင်းရှိ မိဖုရားများ စံပယ်ရာ တောင်နန်းဆောင်၌ ပစ်ချထားခဲ့သည်။ ဘိုးတော် မင်းတရားက လုံချည်ပိုင်ရှင်ကို ရှာဖွေစစ်ဆေး စစ်ဆေးကာ တောင်နန်း အပျိုတော်အဖြစ် ခန့်ထားလိုက်၏။

ဘိုးတော် ဘုရား၏ အမှတ်မထင် မြှောက်စားလိုက်သော လုပ်ရပ်မှာ အပျိုတော်တစ်ဦးအားခန့်ထားလိုက်သည်သာ မဟုတ်ပဲ မြန်မာ ရာဇဝင်ကို ပြောင်းပြန်လှန်ကာ အရှုပ်တော်ပုံဖန်တီးမည့် အဓိက ဇာတ်ဆောင်နှင့် ဒါရိုက်တာတစ်ဦး အား " နန်းတွင်းကို လာမွှေစမ်းဟေ့" လို့ လက်ယက်လှမ်းခေါ်လိုက်သလိုသာ ဖြစ်ပြီး ထိုမှ အစပြု၏။ ထိုသို့ ရောက်ရှိလာရာမှ မှန်နန်းရှင်ခေါ် ဘကြီးတော် စစ်ကိုင်းမင်းက အပျိုတော်များကြားထဲတွင် ထင်ထင်ရှားရှားဖြစ်နေသော မယ်နုကို ခေါ်ယူ မြှောက်စားခြင်းဖြစ်သည်။ နန်းမတော် မယ်နု၏ ရုပ်ရည် လက္ခဏာမှာ ရွက်ကြမ်းရေကျို အဆင့်လောက်သာရှိသော်လည်း ကိုယ်ဟန် အနေအထားမှာမှူ ပြေပြစ်လှပ တောင့်တင်း၍ သွားလာလုပ်ရှားမှူ ကိုယ်ဟန်အမှူအရာမှာလည်း သိမ်မွေ့၍ ထီးဟန် နန်းဟန် ရှိကြောင်းကိုတော့ ရာဇဝင်စာပေများ၊ အင်းဝရောက် အင်္ဂလိပ် သံအဖွဲ့များ၊ ကုန်သည် များ၏ မှတ်တမ်းတင်ချက်များတွင် ညီညွတ်စွာ မှတ်တမ်းတင်ခဲ့ပါသည်။

မယ်နုကို မြှောက်စားစဉ်က ဘကြီးတော် စစ်ကိုင်းမင်းမှာအိမ်ရှေ့မင်း ရာထူးသာ ရှိသေးပြီး မိဖုရား ခေါင်ကြီးမှာ ဆင်ဖြုရှင်မယ်ဖြစ်သည်။ မိဖုရားကြီး ဆင်ဖြူရှင်မယ် မှာရှေ့မှ ဘိုးတော်ဦးဝိုင်းမှာ (၁၇၈၂-၁၈၁၉)ထိ ၃၇နှစ်တိုင် အောင် တဝကြီး နန်းစံသွားလို့ မိဖုရားခေါင်ကြီး မဖြစ်လိုက်ပဲ သူကဦးအောင် အရင် သေရှာသည်။ ထို့ကြောင့် ဘိုးတော် ဦးဝိုင်းက အိမ်ရှေ့မင်း အား မဟာ ဆီ မဟာသွေး အချင်းချင်း အိမ်ထောင်ပြုလိုသည့် သဘောဖြင့် မက္ခရာ မင်းသားကြီး ၏သမီး တော်ဖြစ်သူ ပန်းတောင်း မင်းသမီးလေးနှင့် အိမ်ထောင်ပြုစေသည်၊ သို့သော်လည်း ထိုအချိန်က ပန်းတောင်းမင်းသမီးလေး၏ အသက်မှာ ၈နှစ်အရွယ်သာရှိသောကြောင့် လက်ထပ်ပွဲမှာ လက်ထပ်ပွဲနှင့် မတူပဲ ကလေးထိန်းပွဲနှင့် တူသည်ဟု နန်းတွင်း၌ ရယ်စရာသာဖြစ်တော့သည်။ ထို့ကြောင့်လည်း ဘကြီးတော် စစ်ကိုင်းမင်းကောင်းစားသည့်အခါ ဘိုးတော် ဦးဝိုင်းမှာကြားချက်ကို လျစ်လျှူရှူကာ မယ်နုကိုပင် တောင်ညာစံမိဖုရားကြီးအဖြစ် မြှောက်စားခဲ့ခြင်းဖြစ်ဟန်တူသည်။

"မြန်မာ့သမိုင်းတွင် ထိုသို့ အသက် ၈နှစ်အရွယ် ကလေးဘဝနှင့် အတင်းအကြပ် အိမ်ထောင်ပြုရခြင်းမှာ ဤ ပန်းတောင်းမင်းသမီးလေးမှာ ပထမဆုံး တော့ မဟုတ်ပါပေ၊အင်းဝခေတ် မှ အိမ်ထောင် ငါးဆက်ပြုခဲ့သည့် မိဖုရားကြီး ရှင်ဘို့မယ်သည်လည်း အသက်၈နှစ် အရွယ်မှာပင် အင်းဝဘုရင် မင်းခေါင်နှင့် ပထမ အိမ်ထောင်ကို ပြူခဲ့ရကြောင်းကို သတိချပ်သင့်သည်။ ဤကား စကားချပ်"

ထိုသို့ ပန်းတောင်းမင်းသမီးလေးမှာ ဤမှ ငယ်ရွယ်သော်လည်း မယ်နု အဖို့ မိမိ၏ ရာဇပလ္လင်ကို ထိပါးလာနိုင်မည့် ဆူးငြှောင့်ခလုတ်လေးကိုတော့ အလွတ်မပေး အခွင့်အခါရတိုင်း သတ်ဖြတ်ရန်သာ ချောင်းနေလေတော့သည်။ တစ်ခါသော် မယ်နု၏ လူများဖြစ်ကြသော မင်းလုလင်များမှ ပန်းတောင်းမင်းသမီးလေး အားဖမ်းကာ ကျွန်းသေတ္တာကြီးထဲထည့်၍ ပိတ်ထားရာ ဘယ်သူမှ ရှာမရ ဖွမရနှင့် နန်းတော်တစ်ခုလုံး ယောက်ယက်ခတ်ကုန်ပါတော့သည်။ နောက်ဆုံး မယ်နု၏ ရန်ဘက် သာယာဝတီ မင်းသားကြီး ကိုယ်တော်တိုင် လိုက်ရှာသည့်အခါတွင်တော့ သေတ္တာကြီး အတွင်းတွင် အသက်မျော့မျော့လေးသာ ကျန်တော့သည့် နှမတော် မင်းသမီးလေးကို တွေ့ကာ ကယ်တင်နိုင်တော့လေသည်။ သို့သော်လည်း ပန်းတောင်းမင်းသမီးလေးမှာ မယ်နုမှ လုပ်ကြံသည့်အထောက်အထားသာရှိပြီး လုပ်ကြံခံရပြီး သေသွားသည့်အထောက်အထားများကိုတော့ မတွေ့ရပါ။ နန်းတွင်းမှာလဲ အမျိုးနိမ့်သူ မိဖုရားခေါင်ဖြစ်လာတော့ ဓားထက်လို့သာ ကြောက်ရတယ် ဘယ်သူကမှ မယ်နုကို မကြည်ဖြူ မချစ်ခင်ပါဘူး။ ဒါ့အပြင် မယ်နုက သူ့မောင်အရင်းဖြစ်တဲ့ မောင်အိုကို စလင်းမြို့စားအရာထားပြီး နန်းတော်တွင်းမှာ သူရဲ့ အာဏာစက်ကို ခိုင်မာအောင် တည်ထောင် အားမွေးပါတော့တယ်။ "တို့ဘုရားလည်းမယားဘက်ခပ်ပါပါဆိုသလို" ဘကြီးတော် မင်းဟာလည်း သူ့ယောက်ဖ ကို မယားမျက်နှာနဲ့ မြှောက်စားလိုက်တာမှ ထိပ်တန်း မင်းညီမင်းသား စာရင်းသွင်း၊ လွှတ်တော်တက်ခွင့်ပေးတဲ့ အပြင် ရွှေထီး ရှစ်ချက်မိုး ခစားခွင့်ပေးပါတယ်။ ရှေးခေတ်က မင်းသားတွေရဲ့ အဆင့်အတန်းကို ဒီလို ထီးဆောင်း အရေအတွက် အနည်းအများကို လိုက်ပြီး ခွဲခြားလေ့ရှိပါတယ်။ ညီတော် သာယာဝတီမင်း တောင်မှ ထီးဆယ်ချက်ပဲ မိုးခွင့်ရှိတာဆိုတော့ သူ့ယောက်ဖ မောင်အိုဟာ သူ့ညီ အိမ်ရှေ့မင်းထက် မဆိုသလောက်သာ နိမ့်တယ် ဆိုတဲ့ သဘောပေါ့။၊ ဒီလိုနဲ့ မဟာဆီ မဟာသွေး မျိုးရိုးလည်းမပါ၊ အရည်အချင်းကြောင့် မြှောတ်စားခံတာလည်း မဟုတ် အမတော်မျက်နှာတစ်ခုတည်းကြောင့် နန်းတွင်းရောက်လာတဲ့ အရှင်မွေးလို့ နေ့ချင်းကြီး မောင်အိုဟာ တန်ခိုးထွားလာလိုက်တာမှ ကုန်းဘောင်မျိုးဆက်ကို အပြုတ်နှံပြီး သူကိုယ်တိုင် ဘုရင်တက်လုပ်ဖို့ ကြံပါတော့တယ်။ ဒါ့အပြင် နန်းမတော် မယ်နုကို မကျေနပ်သူတွေထဲမှာ ထိပ်သီး များဖြစ်တဲ့ ဆင်ဖြူမယ် ခမည်းတော် ပြည်မြို့စားနဲ့ ဘထွေးတော် တောင်ငူစားတို့ကို ဖမ်းဆီးချုပ်နှောင်၊ နောက်ပြီး တောင်ငူစားကို အဆုံးစီရင်လိုက်တဲ့ နောက်ပိုင်းမှာတော့ မည်သူမျှ တုပ်တုပ်မလှုပ်ဝံ့တော့ပါဘူး။ မိဖုရားနဲ့ ပတ်သက်တဲ့ နန်းတွင်းမကျေနပ်မှုလည်း ငြိမ်ဝပ်ပိပြား သွားခဲ့ပါတယ်။ နန်းမတော် မယ်နု မိဖုရားဖြစ်ချိန် တစ်လျှောက်လုံး နီးပါ ဟာ နိုင်ငံရေး လုံးဝ မငြိမ်သက်ခဲ့ ပါဘူး။

ဒီနေရာမှာ စာရှူသူတို့ နားမရှင်းမှာစိုးလို့ အဲဒီခေတ်က နိုင်ငံရေး အခင်းအကျင်း နဲ့ ကြီးသုံးကြီးတို့ ပါဝါ ပြိုင်ကြပုံကို ကြိုရှင်းထားပါရစေ။ ဘကြီးတော် မင်းပြီးနောက် နန်းညွန့်နန်းလျာ ဆက်ခံဖို့ အခွင့်အရေး ရှိသူထဲမှာ သာယာဝတီမင်းကတော့ ထိပ်ဆုံး ကပင်။ သူ့မှာ သူကိုယ်တိုင်လဲ လက်ရုံးရည်နဲ့ ပြည့်စုံသလို နောက်လိုက် အင်အား မိုက်ခဲများမှာလည်း ဇ မသေးလှ၊ သူ့ကိုသစ္စာခံသည့် နယ်ပယ်များမှာလည်း အများကြီးပင်၊ ထို့ကြောင့် ယနေ့ခေတ်စကားနဲ့ ပြောရရင် လက်နက်အာဏာ(Military Power) ပိုင်ဆိုင်သူ ပေါ့။

နံပတ်နှစ်ကတော့ မယ်နု၏မောင် စလင်းမင်းသားကြီး မောင်အို သူကတော့ နန်းတွင်းမှာ လွှတ်ရုံးတတ် အခွင့်အရေး ရာထူး အတင်အချကိုလဲ စိတ်ကြိုက်ပြုလုပ်နိုင်သည့်အပြင် ဓားထက်လှသည့်အတွက် မှူးမတ်များ၊ အရာရှိအရာခံ များကိုပါ အိတ်ထဲထည့် လက်ခုပ်ထဲက ရေဖြစ်အောင်စီရင်ထားနိုင်သည့် နိုင်ငံရေး အာဏာ(Political Power) ပိုင်ဆိုင်သူ

နံပါတ်သုံး စကြာမင်းသားခေါ် ညောင်ရမ်းမင်းသားလေးမှာတော့ မွေးဖွားစဉ်က စကြဝတေးမင်းတို့ ဘုန်းကြီးသည့်လက္ခဏာရပ်များဖြစ်ကြသော ဥက္ကာပျံ ငလျင်လှုပ် တော်လဲမြည် ၊လက်ဝါးများတွင် ..ခရုပတ်.. နှင့် ..မှဲ့ရှင်.. များ ထူးခြားထင်ရှားစွာ တွေ့ရ။ အချင်းစလွယ်သိုင်း။ ခုနစ်ရက်ရလျှင် မယ်တော် ကွယ်လွန်။ ဖွားဖက်တော် ခုနစ်ဦးလည်း ပေါ်။ရုပ်ရည် လက္ခဏာအနေဖြင့်လည်း အင်မတန် ချောမောလှပ၍ နန်းတွင်းသူ နန်းတွင်းသားများ ၊ အောက်ခြေ ပြည်သူများက အလွန် ချစ်ခင် နှစ်သက်ကြသည့် မင်းသားလေး ၊တနည်းဆိုရသော် ပြည်သူ့အင်အား ၊လူထုအင်အား(People Power) ရှိတဲ့ သူ

သို့သော်လည်း နောက်ဆုံးမှာတော့ အချင်းချင်း အာဏာရူးနှင့် စိတ်ကူးယဉ်မှူ တို့ကိုသာ အခြေခံသည့် မောင်အို၊ မယ်နုနှင့် စကြာမင်းသားလေးတို့မှာ ရေချကွပ်မျက်ခြင်းသာ ခံလိုက်ရပြီး လက်တွေ့ဆန်လှသည့် သာယာဝတီမင်း၏ လက်နက်အာဏာ(Military Power) သည်သာလျှင် အားလုံးကို သိမ်းကျုံးကာ ဆော်ပလော်တီးသွားသည်ကိုတွေ့နိုင်သည်၊ ခေတ်တွေ အလီလီ ပြောင်းလာခဲ့ပြီဖြစ်သော်လည်း သဘော သဘာဝမှာမူ လက်တွေ့ ဆန်ဆန်ရှိနေသေးသည်ကို ကျွန်တော်တို့ မြန်မာပြည်သူများ သတိကြီးစွာ ထားသင့်ပေသည်။ ဤကား စကားချပ်

"မယ်နုနှင့် ကောလဟာလ"

အချို့သော မှတ်တမ်းမှတ်ရာများတွင် မယ်နုသည် စုန်းမကြီးဖြစ်သည်။ စုန်း အတတ်နှင့် လင်ဖြစ်သူ ဘကြီးတော် စစ်ကိုင်းမင်းအား ပြုစားထားသည်။ စလင်းမင်းသားကြီး မောင်အိုမှာလည်း မောင်အရင်း မဟုတ်၊ ငယ်ရည်းစားဖြစ်သည်ဟု ပါးစပ် ရာဇဝင်များဖြင့် အတော်ပင် ပြောကောင်းဆိုကောင်းရှိကြ၏။တကယ့်တကယ်တမ်း ဆင်ခြင်သုံးသပ်ကြည့်ရာတွင် ထိုခေတ်ထိုအခါကတည်းက မိမိ၏ နိုင်ငံရေးပြိုင်ဘက်ကို အလဲထိုးရာတွင် ဝါဒဖြန့်မှူများ(propaganda)လည်း ရှိရ၏။ ယနေ့ခေတ်လို မီဒီယာ၊ဂျာနယ်၊အင်တာနက်တို့ ဖေ့ဘုတ်တို့ မပေါ်သေးသော ကာလဖြစ်သောကြောင့် ဖေ့ဘုတ်ပေါ် ပို့စ်တင်ရုံဖြင့် မဖြစ်နိုင်။ အကောင်းဆုံးနှင့် အထိရောက်ဆုံး နည်းလမ်းမှာ လူများအကြား အတင်းလည်တုတ်တတ်သော လူများ ငှါးရမ်း၍ အရပ်တကာလှည့်ကာ မိမိပြိုင်ဘက် ၏ငယ်ကျိုးငယ်နာဖော် အတင်းတုတ်ပြီး ကောလဟာလ ဖြန့်ခြင်းပင်ဖြစ်သည်။ ထိုထက် ကောင်းသောနည်းလမ်းတစ်ချို့မှာကား လက်စလက်နရှိသော တေးထပ်ဆရာ သီချင်းရေးဆရာ များကို အသုံးပြုကာ ကိုယ်အလိုရှိရာကို အတိတ်နိမိတ်ပြ တဘောင်လိုလို တေးထပ်လိုလို ဖြင့် လူအများ ပါးစပ်ဖျားတွင် စွဲသွားအောင်ပြုလုပ်ခြင်း၊ နန်းတွင်း ရုပ်စုံ အငြိမ့်များတွင် သီချင်းလုပ်ဆိုစေ၍ ရှင်ဘုရင် နားထိ ပေါက်ရောက်အောင် ပြုလုပ်ခြင်းပင်ဖြစ်သည်။ ထို့ကြောင့် ထို ကောလဟာလ များမှာ သာယာဝတီမင်းဘက်မှ မယ်နုအားနည်း လျော့ပါးစေရန် ပြုလုပ်ခဲ့သော ကောလဟာလများကို နှောင်းလူတို့မှ အဟုတ်ကြီးမှတ်ကာ ပြောဆိုနေခြင်းသာဖြစ်တန်ရာသည်။မယ်နုတို့ဘက်မှလည်း သာယာဝတီမင်းအား သူခိုး၊ဓားပြ တေလေ ဂျပိုးများအား နောက်လိုက်အဖြစ် မွေးစားကာ ရှင်ဘုရင်ကို ပုန်ကန်ဖို့ကြံစည်နေကြသည်ဟု သတင်းလွှင့်ခဲ့ကြသည်မဟုတ်ပါကလား။

"နန်းတွင်း ထိုင်ခုံလုပွဲနှင့် ပထမ အင်္ဂလိပ် - မြန်မာစစ်"

ဘကြီးတော်မင်း ဘိသိက် မင်္ဂလာ ဆင်ယင်သောအခါ၌ မဏိပူရ ရာဇာ မတက်ရောက် ခြင်းသည် မြန်မာတို့ကို မထီလေးစား ပြု၍ ပုန်ကန်ခြင်း ဖြစ်သည်ဟု နန်းတွင်းကလွဲ၍ ပထဝီ နိုင်ငံရေး မသိရှာပဲ သွေးနားထင်ရောက်နေကြသော မယ်နု၊မောင်အိုတို့ လူစုမှလည်း စစ်ကိုင်းမင်းအား ကျပ်ပေးကြ၏။ ထိုသို့ ဆေးထိုးခံ၊ အောက်စီဂျင် အပေးခံပြီး ဉာဏ်နည်းလွန်းလှသော ဘုရင်လုပ်သူကလည်း နောင်ကျဉ် သွားစေရန် မဏိပူရ စော်ဘွားကို သင်ခန်းစာ ပေးရမည် ဖြစ်၍ မြန်မာ တပ်ကြီးကို မဏိပူရသို့ "သွားကာ တိုက်စေ" ဆိုပြီး အမိန့်ပေးပါတော့သည်။ ထို စော်ဘွား နောင်ကျဉ် မကျဉ်တော့ မသိ၊ ထိုပြဿနာမှ အစ ပြုကာ အင်္ဂလိပ်တို့နှင့် နယ်စပ်ပြဿနာ အစပျိုး၍ ပထမ အင်္ဂလိပ် - မြန်မာ စစ်ဖြစ်ရကာ အာသံ၊ မဏိပူရ သာမက ရခိုင်နှင့် တနင်္သာရီဒေသ ပါ အဆစ်ပေးလိုက်ရသည့် အပြင် စစ်လျော်ကြေး ၁ ကုဋေ အရစ်ကျနှင့် ရန္တပိုစာချုပ်ပါ အချက်များကို အောင့်သက်သက်နှင့်လိုက်နာခဲ့ရသည်သာ အဖတ်တင်သွားရ၏။

စစ်စဖြစ်ချိန်က သာယာဝတီမင်းသားက အောက်ပြည်အောက်ရွာကိုကာကွယ်လိုကြောင်း သူစုဆောင်းထားသည့်လူသူများနှင့် ရန်ကုန်သို့ချီတက်လာသည့် အင်္ဂလိပ်စစ်သင်္ဘောများကို ခုခံတိုက်ခိုက်လိုကြောင်းတင်ပြ၏။ နောင်တော် ဘုရင်ကလည်း သဘောတူကာ အမြန်စေလွှတ်စေချင်၏။ သို့သော်လည်း ရန်ဘက် စလင်းမင်းသားကြီးမောင်အိုနှင့် မှူးမတ်များက သာယာဝတီမင်းသားအား လက်နက်ဆင်၍ လွှတ်လိုက်လျှင် ပုန်ကန်ကာ မိမိတို့ ခေါင်းပြတ်မည်ကို အင်္ဂလိပ် အရေးထက် ပိုပြီးကြောက်ကြ၏။သဘောမတူကြ။နောက်ဆုံးတွင်တော့ ယောက်ဖတော် ဦးအိုတို့ဘက်မှ စကား အနိုင်ရကာ သူတို့လူ မဟာဗန္ဒုလ ပြန်လာသည် အထိ စောင့်ပြီးမှ သွားရောက် တိုက်ခိုက်စေဟု မယုတ်မလွန် အမိန့်ချလိုက်လေသည်။သို့ဖြင့်ပင် ရခိုင်မှ ပြန်လာသည့် ဗန္ဒုလကို စောင့်ရင်း ၅လ မကြာသင့်ပဲ ကြာသွားခဲ့သည်။ ထိုသို့ အချိန်အတွင်း အင်္ဂလိပ်တို့ကလည်း ရွှေတိဂုံ ကုန်းတော်တစ်ဝိုက်ကို အခိုင်အမာ တပ်စွဲပြီး ဖြစ်ကာ အထက်မှ ဆင်းလာသည့် မြန်မာတပ်များကို အမြောက်နှင့် ဆီးကာ ထုရုံနှင့် ပင် အသာစီးရသွားတော့သည်။ လက်တွေ့တင်မူ သာယာဝတီမင်းလို မင်းသားကြီးတစ်ပါးက သူ့လူတစ်သောင်းနှင့် အောက်အရပ်မှ လှည့်ဝင်လာသော အင်္ဂလိပ်တပ်များကို ဆီးကြိုတိုက်ခိုက်ပါမူ မြန်မာတို့ ဘက်မှ အလုံးစုံ မနိုင်စေကာမူ ဤမျှလောက် သိက္ခာကျစရာ အကြောင်းမရှိ။ မြန်မာတို့ထက် သာလွန်ကောင်းမွန်သော အင်္ဂလိပ်တို့၏လက်နက်များကို နဖူးတွေ့ ဒူးတွေ့ တွေ့လိုက်ရသော သာယာဝတီမင်းသားကြီးက စောစောစီးစီး စစ်ပြေငြိမ်း ရန် နောင်တော်ဘုရင်ထံတင်ပြ၏၊ သို့သော်လည်း မောင်အို၊မယ်နုတို့မှ လက်မခံပဲ စစ်ကိုသာ ထပ်တိုးတိုက်ရန် နန်းတွင်းမှ အခန့်သား အမိန့်သာတွင်တွင်ပေး၏။ ထိုမျှမကသေးဖမ်းမိသော အင်္ဂလိပ်စစ်သုံ့ပန်းများအား သာယာဝတီမင်းသားက ကောင်းစွာထားလိုသော်လည်း မယ်နုတို့မှ တိတ်တဆိတ်သတ်ရန် ကြံသည်။ ထို့အတွက် နောက်ဆုံး ရလဒ်ကား အပြောကြီးသော ဗန္ဒုလလည်း ဓနုဖြူမှာ ကျ၊ အင်္ဂလိပ်တပ်တွေလည်း နေပြည်တော်နှင့် မိုင်၄၀သာဝေးသည့် ရန္တပိုရွာသို့ ရောက်တော့မှသာလျှင်ညီတော် သာယာဝတီမင်း၏ စကားကိုနာခံပြီး အပြေးအလွှား စစ်ပြေငြိမ်းရေး စာချူပ်ချုပ်ရတော့၏။

ထို အင်္ဂလိပ်မြန်မာ ပထမစစ်ပွဲတွင် ထူးခြားချက်မှာကား ရခိုင်တိုင်းရင်းသားတို့သည် အင်္ဂလိပ်တို့ဘက်မှ စစ်ကူပေး၍ မြန်မာတို့အားပြန်လည်တိုက်ခိုက်ကြသည်။ ဗြိတိသျှတို့သည် မြန်မာတို့အား တိုက်ခိုက်မည့်ရခိုင် စစ်တပ် တတပ်ကိုပင် ဖွဲ့စည်းနိုင်ခဲ့သည်။ သို့သော် ရခိုင်သားတို့သည် ရခိုင်ဒေသမှ မြန်မာတို့ ထွက်ခွာ သွားစေရန်ကိုသာ အလိုရှိသူများ ဖြစ်၍ မြန်မာတို့ ဆုတ်ခွာရလျင်ပင် ဗြိတိသျှ အုပ်ချုပ်မှုကိုလည်း အလိုမရှိ ဖြစ်ကြသော်လည်း အလွန်နောက်ကျသွားပြီဖြစ်ကာ ရခိုင်သားတို့မှာ ဘကြီးလည်း မမှီ ၊ထီးတင်ပွဲလည်း မတွေ့ ဖြစ်သွားရရှာတော့သည်။

"မယ်နုတို့ တန်ခိုးထက်ပြီ"

သာမန် အရပ်သူမှ ပြည့်ရှင်မင်း၏ အချစ်တော်ဖြစ်ပြီး နောက်ပိုင်းတန်ခိုးထက်ပုံကတော့ မြန်မာတစ်နိုင်ငံလုံး" နု "ဆိုတဲ့ စကားလုံးကိုတောင် ပြည်သူများ သုံးစွဲခွင့် မရှိခဲ့ပါဘူး ။၊မန်ကျည်းရွက်တွေကို ခေါ်ရင်တောင်မှ နုနု ထွဋ်ထွဋ် ဆိုတဲ့ စကားလုံး အစား အိအိ ထွဋ်ထွဋ် လို့သာ သုံးနှုံးရမယ် ဆိုသတဲ့။ အဲဒီ အရင် ဘိုးတော်ဘုရားလက်ထက်တုန်းကတော့ ပလ္လင်ပေါ်မှာ ဘုရင်နဲ့ မိဖုရားနှစ်ပါး လူရှေ့သူရှေ့မှာ တွဲထိုင်ပြီး အပူဇော်ခံလေ့မရှိပါဘူး။ အဲဒီဓလေ့ထုံးစံလည်း မယ်နုလက်ထက်လောက်မှာ တော်လှန်ခဲ့လို့ ပျက်ရတယ်နဲ့ တူပါတယ်။ အင်္ဂလိပ် သံအဖွဲ့ လာရောက်စဉ်က ပလ္လင်ပေါ်မှာ ဘုရင်၊မိဘုရားပါ မကလို့ ကြားမှာ သမီးတော် ဘုစုခရုလေးပါတက်ထိုင်နေတာကို မှတ်တမ်းတင်သွားခဲ့တယ်။

ဘကြီးတော် စစ်ကိုင်းမင်းနှင့် နန်းမတော်မယ်နု၌ သားသမီး သုံးပါးထွန်းကား၏၊ 
(၁) သမီးတော် ကြီး ငယ်စဉ်က လွန်
(၂) ပလိုင်းရွာစား လေး ကျောက်ရောဂါဖြင့်ပင် အသက် ၆နှစ်၌ ကွယ်လွန်ပြန်
(၃) ငယ်အမည် မယ်သဲ( နောင်အခါ မင်းတုန်းမင်း၏မိဘုရား ဆင်ဖြုမရှင်ဟု ဖြစ်လာမည့်သူ) တို့ပင်ဖြစ်သည်။

မယ်နု အနေဖြင့် အတ္တကြီးခြင်း၊ မကောင်းကြံစည်ခြင်းတို့ကြောင့် နာမည်ဆိုးဖြင့် ကျော်ကြားခဲ့သော်လည်း သာသနာတော် အတွက် ချီးမြှင့်ခဲ့သော ကုသိုလ်တော်များလည်း မနည်းလှပါ။
(၁) အမရပူရ ပုထိုးတော်ကြီး
(၂) အင်းဝ နန်းတွင်း မှ အုတ်ကျောင်း
(၃)မဟာ သကျသီဟ ရုပ်ပွါးတော်
(၄)စစ်ကိုင်းမှ ရှင်ဖြူ ရှင်လှ စေတီနှင့် စောင်းတန်း
(၅)အမရပူရမှ ကြေးချိန် တစ်သိန်း ခေါင်းလောင်း
(၆)ဖလံခုံ ရွာ အနောက်တိုက် ဘုရားကြီး
(၇) ဗုဒ္ဓဂယာမှ မြန်မာ ဇရပ်တို့ပင်ဖြစ်သည်။

"မယ်နု၏ဇာတ်သိမ်း"

ဘကြီးတော် စစ်ကိုင်းမင်းသည်လည်း ပထမ အင်္ဂလိပ်မြန်မာ စစ်ပွဲ နောက်ပိုင်းတွင် စိတ်နောက် ရှုပ်ထွေးကာ သူ့လက်ထက်တွင်မှ ကုန်းဘောင်ဆက် မြန်မာနိုင်ငံတော်ကြီး တစစီပဲ့ထွက်ရပါသည်ဟု စိတ္တဇ ဝေဒနာ စွဲကပ်ကာ အုပ်ချုပ်ရေးပိုင်းကို မကိုင်တွယ်နိုင်တော့ပဲ အစစအရာရာကို မယ်နုနှင့် စလင်း မင်းသားကြီးမောင်အိုတို့ဖြင့်သာ လွှဲအပ်ထားလေတော့သည်။ မိမိရဲ့ ဆူးငြှောင့် ခလုတ်ဖြစ်တဲ့ သာယာဝတီမင်းကို ရှင်းချင်နေတဲ့ မောင်အိုတို့ လူစုအတွက်တော့ အကြိုက်ပေါ့။ထုံးစံ အတိုင်း ပါပဲ။ ဓားမြမှူဖြင့် အမှူဆင်ကာ သာယာဝတီမင်း၏ ညီမတော် အရင်း ပုဂံမင်းသမီး၏ ကျွန်အား မောင်အိုတို့လူစုမှ အမှူဆင် ဖမ်းရာတွင် ပါးနပ်သော သာယာဝတီမင်းက မောင်အိုတို့ လူစုလက်မဦးခင် ရွှေဘိုသို့ သွားရောက် ရှောင်တိမ်းကာ စတင် ပုန်ကန်ပါတော့သည်၊ အဆုံးတွင်တော့ ပုန်ကန်မှူ အောင်မြင်ပြီး ဘကြီးတော်စစ်ကိုင်းမင်းသည်လည်း နန်းကျ မယ်နုနှင့် အတူ အကျယ်ချုပ်စံရ၊ မောင်အိုတို့ လူစုမှာလည်း ထောင်ထဲရောက်နှင့် ဇာတ်သိမ်းရတော့သည်။ ဒါတောင်မှ အင်္ဂလိပ်တို့ကို စာလွှတ်ဆက်သွယ်၍ အင်္ဂလိပ်တို့ အလိုရှိသမျှ အကုန်ပေးပါ့မည်။ ညီတော်အား အမြန်လာတိုက်၍ ဘကြီးတော်အား ပြန်လည်နန်းတင်ပေးရန် အကြံကြီးလိုက်ကြသေး၏၊သို့သော်လည်း အင်္ဂလိပ်တို့က နန်းကျဘုရင်တပါးအနေဖြင့် ဂရုပင် မစိုက်တော့ပဲ ဘာအကြောင်းမှမပြန်တော့သဖြင့် ခဲလေသမျှ သဲရေကျရလေတော့သည်။ သာယာဝတီမင်းလည်း သဘောထားကြီးစွာဖြင့် ကောင်းမွန်စွာ ထားသော်လည်း အငြိမ်မနေ အပြင်မှ မောင်အိုတို့ နောက်လိုက်များက ပုန်ကန်ကြသောကြောင့် အမရပူရမြို့ အကျဉ်းထောင်တွင် ချုပ်ထားသော စလင်းမင်းသားကြီး မောင်အို၊ မယား၊ သမီး၊ အတွင်းဝန် ငပါရောက်၊ မြို့လယ်ဝန် ငရေး၊ သံတော်ဆင့် ငရွှေ သာ၊ ပခန်း ငရံမင်း၊ စာရေးကြီး ငပျို၊ တောင်ငူဝန် ငကူး၊ အဆောင်မြဲ ငထွန်းညိုတို့ကို သက္ကရာဇ် ၁၂၀၂ ခုနှစ်၊ ကဆုန်လဆန်း ၁၂ ရက်နေ့တွင် အပြစ်နှင့်အညီ တသီတတန်းကြီး ကွပ်မျက်လိုက်ခြင်းခံရပါသည်။

အကောင်းမြင် ရှူထောင့်နဲ့ ကြည့်ရရင် မယ်နုကိုတော့ သေခါနီး မင်းမျိုးမင်းနွယ် အဖြစ် အသိအမှတ်ပြုလိုက်ပြီး မဟာဆီ မဟာသွေး မြေမကျရစေရန် ရေတွင် ဖျောက်ဖျက်ဖို့ အမိန့်တော်ရှိ၏။ မယ်နုကို ရေချဖို့ လမ်းတွင်ခေါ်လာရာတွင် တငိုငိုနှင့် လိုက်ပါလာသော သမီးတော် မယ်သဲလေး(နောင်တွင် ဆင်ဖြူမရှင်)အား လမ်းတွင် ပုဂံမင်း၏ နှမတော်၊ မင်းတုန်းမင်း၏ မိဘုရားခေါင်ကြီးဖြစ်လာမည့် စကြာဒေဝီ မိဘုရားမှ လမ်းတွင် ဆွဲယူကာ မွေးစားခဲ့ရလေသည်။ နောက်ဆုံးအနေဖြင့် မယ်နုမှာ မိမိကိုးကွယ်သည့် ဆရာတော်ဦးဗုဒ်အား ဖူးမြှော်ခွင့်ကို မြို့ဝန်နှင့် အာဏာပါးကွက်သားတို့အား ခွင့်တောင်းရာ ခွင့်ပြုသောကြောင့် ကျောင်းသို့ရောက်အောင်ပို့ဆောင်လေ၏ ။မယ်နုကျောင်းသို့ရောက်သော အခါ ဆရာတော်မှာ စာကြည့်နေခိုက်ဖြစ်၏။မယ်နုမှ ဆရာတော် အား နောက်ဆုံးဖူးမြှော်အောင် လာရခြင်းဖြစ်ကြောင်း လျှောက်ထားရာ ဆရာတော် ဦးဗုဒ်မှ ရာဇဝင် တွင်မည့်တရားကို ဤသို့ တိုတိုတုတ်တုတ် ဟောတော်မူ၏။

"ဟဲ့ မိနု၊ သူ့ကြွေးရှိရင် ဆပ်ရလိမ့်မည်" ဟူသတဲ့။

မယ်နုလည်း ဦးချပြီး ပြန်ဆင်းလာရာ လှေကားအရောက်တွင် "တော်ပြီ၊ ငါသေဝံ့ပြီ၊ ငါသေရဲပြီ၊ငါသေပျော်ပြီ၊ ဆရာတော်ဘုရားကိုနှစ်ပေါင်းများစွာ ကိုးကွယ်လာတာ ဘယ်အခါမှ ငါ့နာမည်တပ်၍ စကားမပြောဖူးဘူး။ ဤကဲ့သို့ စာကြည့်ရာမှနေ၍ငါ့ဘက်သို့ လှည့်၍ကြည့်သည်ဟူ၍လည်းမရှိ၊သည်ကနေ့မှပဲ ငါ့ဘက်လှည့်တယ်။ ငါ့နာမည်ကို ခေါ်တော်မူတယ်။ဟောလိုက်တဲ့ တရားကလည်း ဟဲ့ မိနု၊ သူ့ကြွေးရှိရင် ဆပ်ရလိမ့်မည် တဲ့။တော်ပြီ၊ သေလမ်းဖြောင့်ပြီ၊ ငါ့ကိုဆရာတော်က သေစရိတ်ပေးလိုက်ပြီ" ဟု ထပ်တလဲလဲပြောကာ ဝမ်းမြောက်ဝမ်းသာစွာနှင့်ပင် အာဏာပါးကွက်သားတို့၏ ခေါ်ဆောင်ရာကို ပျော်ပျော်ကြီးလိုက်ပါသွားလေတော့သည်။

တစ်ချိန်က နန်းတွင်း၌ ဓားထက်ခဲ့သော မိဖုရားခေါင်ကြီး နန်းမတော်မယ်နုမှာကား သူနှင့် သူ၏ လင်တော်မောင် ဘကြီးတော် စစ်ကိုင်းမင်း၏ အကျယ်ချုပ်စံမြန်းရာ နန်းတွင်းအိမ်တော်နှင့် သိပ်မဝေးလှသော တောင်သမန် အင်းရေပြင်ရဲ့ အရှေ့မြောက်ထောင့် မယ်ဘယက်ကုန်းကမ်းစပ်မှာ ကတ္တီပါအိတ်အနီအတွင်း ထည့်သွင်းပြီးရေချကွပ်မျက်ခဲ့ပါတော့သည်။ ဤတွင် ပြီး၏။ ဆက်ရန် အပိုင်း(၂) အပိုင်း(၃)တို့ကိုတော့ မကြာမှီ အတွင်း ရေးသားတင်ဆက်ပါ့မည်ဖြစ်သည်။

ကိုးကား
-မြန်မာနိုင်ငံရေး သမိုင်း ဒုတိယတွဲ၊ပထမပိုင်း
-ညိုမြ (ကုန်းဘောင်ရှာပုံတော်)
-ကုန်းဘောင်ခေတ်စစ်တမ်း (မောင်သော်)
-ဒဂုန်ခင်ခင်လေး(ရာတနာပုံ၏ နိဒါန်းနှင့် နိဂုံး)

လေးစားစွာဖြင့်
အတီး(ဝါးလုံးရှည်)

သီပေါမင်း ၏ နှမတော် အရင်းဖြစ်သော မိတ္ထီလာ စုဖုရားလေး

သီပေါမင်းတွင် မောင်နှမ အရင်း သုံးယောက်ရှိသည့်အနက်မှ အထွေးဆုံး နှမတော် ဖြစ်သည်။

ခမည်းတော် မင်းတုန်းမင်းကြီးနှင့် မယ်တော် လောင်းရှည် မိဖုရားတို့တွင် သားတော်၊ သမီးတော် လေးပါးထွန်းကားခဲ့ရာ အကြီးဆုံး သမီးတော် ချွန်းတော်မြို့စား၊ (နောက်) မိုင်းကိုင်းမြို့စား မင်းသမီး သုသီရိပဘာဝတီ မှာ အသက်(၈)နှစ် အရွယ်ကပင် ကံကုန်တော်မူသွားသည်။ ဒုတိယသမီးတော်မှာ သုသီရိ ရတနာဒေ၀ီ ဖြစ်၍ မောင်တော် သီပေါမင်း လက်ထက်တွင် ပုခန်းကြီးမြို့စား ပေး၍ ပုခန်းကြီးစုဖုရားကြီးဟု ထင်ရှားလေသည်။ တတိယနှင့် နို့ညာမှာ သီပေါမင်း ပင်ဖြစ်၍ ဓာတ်ပုံထဲမှ မင်းသမီးလေးမှာ စတုတ္ထနှင့် အထွေးဆုံး သမီးတော် သီရိသုရုဇာဝတီ နောင် တော် သီပေါမင်း လက်ထက် တွင် မိတ္ထီလာမြို့ကို မြို့စားပေး၍ မိတ္ထီလာ စုဖုရားကလေး ဟု ထင်ရှားလေသည်။ မိခင် ဖြစ်သည့် လောင်းရှည် မိဖုရားမှာသည် ရှမ်း အနွယ်ဖြစ်၍ သီပေါမင်းတို့ မောင်နှမ တစ်သိုက်မှာ ရှမ်း မြန်မာ ကပြား များပင်ဖြစ်သည်။

မိတ္ထီလာ စုဖုရားလေးသည် သီပေါမင်း ပါတော်မူချိန် ၁၈၈၅ ခုနှစ်တွင် အသက် ၂၆ နှစ် ရှိပြီဟု ဆိုသောကြောင့်မွေးသက္ကရာဇ်မှာ အင်္ဂလိပ် သက္ကရာဇ် ၁၈၅၉ ခုနှစ် ဟု အနီးစပ်ဆုံး ခန့်မှန်းနိုင်သည်။ပါတော်မူစဉ်က သီပေါမင်း၏အစ်မတော် ပုခန်းကြီး စုဖုရားကြီး နှင့် ညီမတော် မိတ္ထီလာ စုဖုရားကလေးတို့သည် ဗြိတိသျှအစိုးရက အိန္ဒိယသို့ အတူလိုက် မလိုက် မေးတော်မူသေးသည်။ သို့ရာတွင် မင်းသမီးများက "မလိုက်လို" ဟု ငြင်းကာ မန္တလေး တွင် ဆက်နေခဲ့ပြီး အခြားမိဖုရား၊ မင်းသား၊ မင်းသမီး များကဲ့သို့ နယ်ပြောင်း မခံကြရပေ။ အင်္ဂလိပ်တို့ အုပ်ချုပ်စဉ် အတွင်း မင်းဆွေ မင်းမျိုး များအား ပင်စင်လစာ သတ်မှတ်ရာတွင် ပထမတန်းစား မင်းသမီးများ အဖြစ် သတ်မှတ်ခံရပြီး တစ်လ ရူပီငွေ ၁၅၀ ရသည်။ ၁၉၀၁ ခုနှစ်မှစ၍ ရူပီငွေ ၃၀၀ စီ တိုးမြှင့်ပေးလေသည်။ ပါတော်မူစဉ်က နှမတော်များမှာ အပျိုစင် မင်းသမီးများဖြစ်ကြကာ အမတော် ပုခန်းကြီး စုဖုရားမှာ သီပေါစော်ဘွားကြီး စောခွန်ဆိုင်နှင့် လက်ဆက်ကာ မဟာဒေဝီဖြစ်သွားပြီး မန္တလေးမြို့ဆိုင်းတန်းရပ်၌ စော်ဘွား တော်ကြီး က အုတ်တိုက်တော်ကြီး တည်ဆောက်ပေး၍ အခြွေအရံများနှင့် တခမ်းတနား စံရသည်။ပုခန်းကြီး စုဖုရားကြီး သည် သီပေါစော်ဘွားကြီး နှင့် သားသမီးရတနာ မထွန်းကား၍ ဤတွင် မျိုးဆက်ပြတ်လေသည်။

ပုံပါ မိတ္ထီလာ စုဖုရားလေး သည် သူမ၏အပျိုတော် ခင်လေးပု ၏မောင် မောင်ကျော်လှိမ့် ဆိုသူနှင့် နီးစပ်ခါ လက်ဆက် ခဲ့ပြီး သားတော် သမီးတော် လေးဦး ထွန်းကားခဲ့သည်။(၁)သမီးတော်ကြီး၊ (၂)သမီးတော်လတ်၊ (၃)သားတော်ကြီး၊ (၄)သမီးတော်ကလေးဟု အမည်တွင်ကြလေသည်။ မိတ္ထီလာစုဖုရားကလေး သည် ငယ်ငယ်ရွယ်ရွယ် သက်တော် ၃၆ နှစ်တွင် ၂၉ လမ်းထောင့် ကျောက်သွေးတန်း နေအိမ်တော်တွင်ပင် ကံကုန်တော်မူသည်။ ကျန်ရစ်သည့် သားတော်၊ သမီးတော် များကို အဒေါ်ဖြစ်သူ ပုခန်းကြီးစုဖုရားကြီး ကပင် ကြည့်ရှုစောင့်ရှောက်ခဲ့ပြီး ဆိုင်းတန်းရှိ အစ်မ တော် ဘုရားဝင်း အုတ်တိုက်တော် သို့ ခေါ်ယူကာ အမွေစား အမွေခံ အဖြစ် မွေးစားခဲ့လေသည်။

သမီးတော်ကြီးဆိုသူမှာ မြို့အုပ် ဦးမောင်ကလေး နှင့် လက်ဆက်သည်။ သားသမီးမထွန်းကားပေ။ သမီးတော်လတ် မှာ ထိပ်တင်ဦးကြီး ဆိုသူ နှင့် လက်ဆက်သည်။ ပုခန်းကြီး စုဖုရားကြီး ကံကုန်တော်မူ၍ စုဖုရားကြီး၏ ကျန်ရစ်သော အမွေပုံ နှင့် ပတ်သက်၍ အမွေမှု မန္တလေး၌ဖြစ်သည်။ တစ်ဖက်က အိန္ဒိယမှ မောင်တော်ရင်း သီပေါမင်းမှ တစ်ဖက် ၊ အမွေစား အမွေခံ သမီးတော်ကြီးနှင့် ခင်ပွန်း ဦးမောင်ကလေးတို့က တစ်ဖက်ဖြစ်၏။ ကြီးတော် ဖြစ်သူ၏ အမွေကို အမွေစား အမွေခံ တူမ အရင်း နှင့် ဦးလေးဖြစ်သူတို့ ဆွေမျိုး အချင်းချင်း ဖြစ်ကြရ သော အမွေမှူပင်ဖြစ်သည်။ သီပေါ မင်း ကိုယ်စား မြန်မာ နိုင်ငံမှ နေ၍ မင်းတုန်းမင်း၏ သမီးတော် ချွန်းတောင်ထိပ်ခေါင်တင်၊ လှေသင်းအတွင်းဝန်နှင့် ၀က်မစွတ်ဝန်ထောက်တို့က ဆောင်ရွက် ရသည်။ အဆုံးသတ်တွင်တော့ သီပေါမင်းဘက်မှ ကလေးတွေနှင့် ဖက်မဖြစ်တော့ ဟူ၍သာ သဘောပိုက်ကာ အရေးတယူ ဆောင်ရွက် အမှူ ဆိုင်ချင်း မပြုခဲ့တော့ပေ၊ ဥပဒေ ကြောင်း အရလည်း တူမတော်တို့အား ပုခန်းကြီး စုဖုရားကြီးမှ အမွေ စား အမွေခံ အဖြစ် မွေးစားပြီးဖြစ်၍ သမီးတော်ကြီးတို့ဘက်မှပင် အနိုင်ရမည်ဖြစ်သည်။ ထိုသို့ သီပေါမင်း နှမတော် မိတ္ထီလာစုဖုရားကလေး၏ သားသမီးများသည် ပုခန်းကြီး စုဖုရားကြီး၏ အမွေမှု ကြောင့် တစ်ဖက်နှင့်တစ်ဖက် တင်းမာသွားပြီး ကင်းကွာသွားကြပုံရသည်။ သို့သော်လည်း သီပေါမင်း တရား နတ်ရွာစံပြီးနောက် စုဖုရားလတ် မြန်မာပြည်သို့ ပြန်လာ၍ စံနေတော် မူသည့် နောက်ပိုင်း တွင်တော့ ဆွေမျိုး အချင်းချင်း ပြန်၍ အဆက်အသွယ်ရှိသွားကြသည် ဟု လေ့လာမိသလောက်ကို မှတ်တမ်းတင်အပ်ပါသည်။

ကိုးကား
-ဆရာမကြီး ဒဂုန်ခင်ခင်လေး၏ ရတနာပုံ နိဒါန်းနှင့် နိဂုံး
- မောင်သန်းဆွေ (ထားဝယ်) ရေးသားသော ပုခန်းကြီး စုဖုရားကြီး၏အမွေမှု ကလျာမဂ္ဂဇင်း ဧပြီလ ၂ဝ၁၁ ခုနှစ်

အတီး (ဝါးလုံးရှည်)

ဒေါက်တာသန်းထွန်း၏ ဆေးခါးကြီး

အတီး (ဝါးလုံးရှည်)

အတီး ဘင်္ဂလီ၊ ဘင်္ဂလီ အတီး၊

ကျွန်တော့ အကြောင်း သိပ်သိချင်နေသူများ အတွက် လူလွန့်မသားတစ်ယောက်ကို အကြောင်းပြု၍ဒီ စတေးတပ်ကို ရေး၍တင်ရသည်။သိပြီးသူများလဲ သိပြီးသားဖြစ်မှာပါ၊ တကယ်တော့ ဒီ အကောင့်ဟာ ကိုယ်ပိုင် မျက်ခွက်ကြီးကို မတင်တာက လွဲ၍ ဘာ အချက်အလက်မှ လိမ်ပြီး တင်ထားတာမပါပါခင်မျာ။ အတီး ဘယ်သူဖြစ်တယ်၊ ဘယ်မှာနေတယ် ဆိုတာလဲ အတော်များများသိပြီးသားဖြစ်လို့ ရှည်ရှည်ဝေးဝေး ဘာမှ ထပ်မရှင်းပြတော့ပါဘူး၊ ပြောထားတာကိုလဲ ကြည့်ဦး။

De Nial Zaw
(ဒီ ဂရုထဲမှာရှိနေသော ( အတီး ၀ါးလုံးရှည် ) https://www.facebook.com/profile.php?id=100005176029811 ဆို တဲ့ သူဟာ ပြည်ပရောက် မွတ်စလင် လူမျိုးဖြစ်ပြီး ။ မြန်မာ့ သမိုင်းကို လေ့လာကာ သမိုင်း၏ ယိုကွက် ၊ ဟာကွက်များ ၊ အိပ်ယာဝင် ပုံပြင်များ ၏ အားနည်းချက် ၊ များတွင် ကုလား ဇာတ်များအတင်း သွတ်သွင်းပြီး မြန်မာသည် ကုလားမျိုးမှ ဆင်းသက်လာသည့် ၊ မြန်မာ စာပေသည် ကုလားစာပေမှ ဆင်းသက်လာသည် ။ ရိုဟင်ဂျာ ဆိုသည့် ကုလားမျိုးသည့် ရှေးယခင်ကပင် ရှိခဲ့ဟန်ဖြင့် လီဆည် လှည့်ဖြား ပြီး ၊ သမိုင်းအတုများ ဖန်တီးကာ ၊ ကုလား ဇာတ်သွင်းနေသည့် ပြည်ပရောက် ဘင်္ဂလီ မွတ်စလင် တစ်ယောက်ဖြစ်ပါသည် ။ )

အတီး ပြည်ပမှာ နေတယ်ဆိုမှာ မင်းပြောမှ မဟုတ်ဘူး၊ လူတိုင်းသိတဲ့ ကိစ္စကြီး၊ အဟက် မွတ်စလင် လူမျိုးပါတဲ့ ခင်မျာ၊ မွတ်စလင် ဆိုတာ လူမျိုးမဟုတ်ဘူး ဟ၊ဘာလဲ ဆိုတာ အင်တာနက်မှာ အရင်လိုက်ရှာ၊ မတွေ့ရင် ဗလီရှေ့မှာမှာ ဆောင့်ကြောင့်ထိုင်ပြီး သွားမေး၊ ကံကောင်းရင် အသပြာလေး ဘာလေးတောင် အဆင်ပြေလာနိုင်သေးတယ်၊

မြန်မာစာပေ ဆိုတာ ကုလား စာပေက မဆင်းသက်လာလို့ မင်း ဘိုးအေ အနော်ရထာမင်းကြီးက ခြင်ထောင် ထဲမှာ ရေးပြီး တီထွင်ခဲ့တာလား? မင်း ပထွေး ကျန်စစ်သား က မင်းသမီးတွေကို စာလိုက်ပေး အငယ်အနှောင်း စမော ကီပင်လေးတွေကို လက်စွပ်ပေး ရင်တွင်းဖြစ်တွေ ရေးချရာက စကားလုံးတွေ စဖြစ်ပေါ်လာတာလား? တကယ်တော့ မြန်မာ စာပေက ကုလားစာပေ က ဆင်းသက်သက်၊ တရုတ် ကပဲ ကူးချချ ဘာမှာမှ ရှက်စရာမှ မရှိတာပဲ၊ ရခိုင်၊မြန်မာ၊ ကမ္ဘောဒီးယား စတဲ့ ဒေသတွင်းနိုင်ငံတွေရဲ့ စာပေက ဒီ ကုလားစာကပဲ ဆင်းသက်လာခဲ့လို့ ဘာမှ ရှက်စရာ မရှိပါဘူး။ ငြင်းချင်ရင်တော့ လာခဲ့ပါ။ အထောက်အထားနဲ့တကွ ကြိုဆိုနေပါ့မယ်၊ ယဉ်ကျေးစွာ ဆွေးနွေးနိုင်မယ် ဆိုရင်ပေါ့၊

ငါရဲ့ အဖေ ဘက်က ကရင်လူမျိုး၊ အဖိုးရော အဖွားရော၊ ကရင်ပြည်နယ်မှာပဲ မွေးတယ်၊ ငါ့အ မေဘက်က အဘိုး စစ်ကိုင်းသား၊ အဘွား မွန်လူမျိုး ရေမရောဘူး၊ ဘီလူးကျွန်းဇာတိစစ်စစ် ရေမရောဘူး။ မင်းပြောသလို ဘင်္ဂလီ ဆိုတာ လက်လှမ်းမှီသလောက် အထက် သုံးလေးဆက် မှာ တစ်ယောက်မှ မပါဘူး၊ ဒီထက် အရင်တော့ ငါလဲမသိသလို ဘယ်သူမှ မသိနိုင်တော့ဘူး။ နို့ နေစမ်းပါဘူး၊ ဘင်္ဂလီ သွေးပါတော့ကော ဘာဖြစ်မှာမို့လို့လဲ၊ လောကမှာ ဘယ်လူမျိုးကမှ နောက်တစ်မျိုးထက် မြင့်မြတ်တာတို့၊ နိမ့်ကျတာတို့မှ မရှိတာ၊ ကိုယ့်ဟာကို နေရင်း ထိုင်ရင်း အသားလွတ် မြန်မာလူမျိုးဖြစ်လို့၊ ဗုဒ္ဓဘာသာဖြစ်လို့၊ မွတ်စလင်ဖြစ်လို့ ဆိုပြီး ဘုမသိ ဘမသိနဲ့ ဂုဏ်ယူနေကြတာကြီးကမှ သောက်တလွဲ ရှက်ဖို့ ကောင်းရမှာ။

ငါ့ အဘိုးလေး(အဘွားရဲ့မောင်) ကျောင်းထိုင် ဆရာတော် အခုထိ သက်တော်ထင်ရှား ရှိသေးတယ်၊ ဖူးချင်ရင်ပြောလိုက်ပို့ပေးမယ်။ အမျိုးထဲမှာ ခရစ်တော်ကို ယုံကြည်သလို၊ မင်းကြီး၊ မင်းလေး၊ ကိုကြီးကျော်၊အမေ နံကရိုင်း ကိုးကွယ် ဆည်းကပ်သူတွေလဲရှိတယ်။သူတို့ဟာသူတို့ ယုံကြည်လို့ ငါတို့ မျိုးရိုး ဂုဏ်သိက္ခာ ဘာမှ ထိခိုက်စရာ မရှိပါ။ အတီး ငယ်ငယ်တုန်းက ရိုးရာပါလို့ တီရှပ် အနက်ရောင် မဝတ်ရ၊ ငါးရံ့ မစားရ ဘူးလို့ အဖွားက ထိန်းချုပ်ဖူးတယ်၊ အတီးကလဲ လိမ္မာပါတယ်။ အဝတ်အစား ဝတ်ရင် အောက်က ဖိုက်အိုဝမ်း ဘောင်းဘီပင်ကျပ် အမည်းနဲ့ အပေါ်က ဗန်ရှပ် အမည်း အောဘလက်လောက်ဝတ်မှ လှတယ်လို့ ထင်တတ်တာ။

ငယ်ငယ်တုန်း အတီး နေမကောင်းဖြစ်ပြီး နာလန်ထခါစ အဖွားက ဘာဟင်းစားချင်လဲလာမေးတော့ အတီး အကြိုက်ဆုံး ငါးရံ့နဲ့ ရဲယိုရွက် ချက်ပေးပါလားလို့ပြောလိုက်တာ၊ ခွေးမသားလူပါးဝလို့ဆိုပြီး အဖိုးက တံမြက်စည်းထဆွဲပြီး လိုက်တာ အပြေးကောင်းပြီး နာလန်ထခါစ အတီး ချောင်းသာထိရောက်တဲ့ အထိပါပဲ။ အခုတော့ အဖိုးကော အဖွားကောမရှိတော့ပြီ၊ အတီးစားချင်တာလဲ စားလို့ ရနေပေမဲ့ ဘယ်သူမှ ချက်မက္ဈေးလို့ ဘာမှ မစားရသလို့ ချောင်းသာလဲ မရောက်ဖြစ်တာ အတော်တောင် ကြာနေပါပြီ။

သမိုင်းကို ဝါသနာပါလို့ လေ့လာတယ်၊ အမြင်မတော်တာ ရှိရင် ဝင်ပြောတယ်၊ ဒီလိုပြောလို့ ဆရာကြီးလုပ်တယ် မထင်နဲ့၊ ငါကိုယ်တိုင်လဲ ဘာမှ မတတ်သေးဘူး၊ ဆွေးနွေးချင်ရင်တော့ အထောက်အထားနဲ့တကွလာခဲ့ပါ၊ ငါ့အကြောင်း မဟုတ်က ဟုတ်ကတွေ ဟိုမှာလျှောက်ရေး ဒီမှာ လျှောက်ရေး လုပ်မနေနဲ့၊ ပင်ပန်းတယ်၊ နာမည်တပ်ပြီး ဒဲ့လာရှင်းပါ၊ကြိုတော့ ပြောထားပါ့မယ်၊ ကိုယ့်အိမ်ကိုယ်မီး ပြန်ရှို့တယ် ဆိုတဲ့ လှိမ့်လုံးလောက်ကို ယုံတဲ့ ဦးနှောက်လောက်နဲ့တော့ တက်မလာပါနဲ့၊ အချိန်ကုန်ခံပြီး အကြောင်းပြန်မှာတော့ မဟုတ်ပါ။

ဒီနေရာမှာ ကြုံလို့ တခါတည်းပြောလိုက်ပါ့မယ်၊ ရိုဟင်ဂျာသည် တိုင်းရင်းသား ဟုတ်မဟုတ်ကို တခါမှလည်း လော်ဘီ မလုပ်ဖူးသလို အားလဲ မပေးဖူးပါ၊ သူတို့ အလုပ်သူတို့ လုပ်နေတာပဲဖြစ်လို့ ဘာမှပြောစရာ မရှိတာပဲ၊ ရိုဟင်ဂျာကို ဘင်္ဂလီသွားခေါ်လို့ လဲ ဘာမှ ယုတ်ညံ့နစ်နာစရာမရှိပါ၊ တကယ်တော့ ဒီလူတွေဟာ တိုင်းရင်းသားဆိုတဲ့ စံသတ်သတ်မှတ်မှတ် မရှိသေးတဲ့ နိုင်ငံတစ်ခုမှာ သွားတောင်းနေလို့ တကယ် တိုင်းရင်းသားဖြစ်လာရင်တောင် နှစ်ဦးနှစ်ဖက် အပြန်အလှန် လေးစားမမှူ မရှိသေးသ၍ ဒီပြဿနာ တွေက ပြီးဆုံး သွားမှာမှမဟုတ်တာ။ နဂို တိုင်းရင်းသား ဖြစ်တဲ့ ကချင်၊ ကရင်တွေတောင်မှ မထင်ရင် မထင်သလို ရွာမီးရှို့၊ အမြှောက်နဲ့ ထုခံနေရတာပဲ။ ဒီလိုပြောပြန်လို့ စစ်တပ်မကောင်းဘူးချည်းပဲ ထိုင်ဆဲမယ်လို့တော့ မထင်နဲ့၊ သွားလေသူ ငါ့အဖိုး က ဗိုလ်မှူး ၊ ငါ့ အဖေ ကိုယ်တိုင်လဲ စစ်မှူးထမ်းဟောင်းတစ်ယောက်ပဲ၊ ငယ်ငယ်လေးထဲက အရိုက်ကြမ်းတဲ့အဖေ့ရဲ့ တသွေးတသံ တမိန့်အောက်မှာ ကြီးပြင်းလာခဲ့ရသလို့ ရာထူးနဲ့ တံစိုးလက်ဆောင် ဆက်စပ်မှူတွေ၊ စစ်တပ် အသိုင်းအဝိုင်း အချင်းချင်းကြားက ဖြုတ်ထုတ်သတ်တွေ အကြောင်း အတော်များများသိတယ်။

ဆောရီးပါ၊ ပါစင်နယ်တွေ အရမ်းများသွားပြီ။တော်လောက်ပြီ၊ ကဲဘာသိချင်ကြသေးလဲ။

အတီး (ဝါးလုံးရှည်)

ဆပ်ပြာကျလို့ ကုန်းကောက်တာမှ ဖင်ကြီးပါထပ်ပြောင်သွားတဲ့ ပဲခူးတိုင်း ဝန်ကြီးချုပ်ရဲ့ဖြစ်စဉ်

Photo Credit: Internet 

မြွေနဂါးတောင် မကြောက်ဘူး ဆိုတဲ့ ပဲခူးတိုင်းဝန်ကြီးချူပ် ပေမဲ့ အွန်လိုင်းက ငဖွတွေရဲ့ ရန်ကိုတော့ ကြောက်ရှာသား။့ သူ့ခမျာ နောက်တစ်ရက်မှာ ရေထဲထပ်ဆင်း၊ပုဆိုးကြီးမပြီး ဓာတ်ပုံ အရိုက်ခံရရှာတယ်။ 

ဟီးဟီး၊ လိမ်ချင်ရင်လဲ ပိပိရိရိလေးတော့ လိမ်ပါ ဝန်ကြီးရယ်။ တိုက်ပုံလေး တူအောင်ပြန်ဝတ်ပြီး အရင်နေ့က မျက်နှာငယ်လေးတွေနဲ့ လှေတွန်းပေးရတဲ့ လူတွေပြန်ရှာ၊ အဲဒီလူတွေမရရင်တောင်မှ အခြားပြည်သူလို့ ထင်ရတဲ့ တွေ့ကရာ လူတွေထည့်ရိုက်လိုက်ပြီးတာပါပဲ၊ ပြီးစလွယ် နဲနဲနဲ့ ကျဲကျဲဝိုင်းလိုက်တော့ အရှက်ကွဲတာပြန်ဆယ်ပါတယ် ဆိုပါမှ ဆပ်ပြာကျလို့ ကုန်းကောက်တာကို ပုဆိုးကျွတ်ကျပြီး ဖင်ပြောင်ကြီးဖြစ်ကာ တစ်ရှက်က နှစ်ရှက်ကွဲရတော့တာပါပဲ။ နောက်ရက်ဆိုရင်တော့ လက်ပစ်ကူးတို့၊ ခွေးကူးကူးနေတဲ့ ပုံတွေပါ တက်လာမလားတော့ မပြောတတ်ပါ။

ဘာပဲဖြစ်ဖြစ် အပြုသဘောမြင်ရရင်တော့ ကောင်းပါတယ်။ အောက်ခြေကပြည်သူတွေ အတွက်တော့ ထားရာနေ၊စေရာသွား အာဏာရှင် လုပ်သမျှခံနေရတဲ့ ဘဝကနေ အာဏာရှင်တွေရဲ့ အမှားကို ပြန်ထောက်ပြ ၊ပြောပြလုပ်နိုင်တဲ့လက်နက်တစ်ခုရသွားတာပေါ့လေ။ အွန်လိုင်းရဲ့ ဖော်ပြမှုတွေကို အရေးစိုက်လာရတဲ့သဘောလည်းသက်ရောက်သွားတာပေါ့။ အတိုက် အခံကောင်းမှန်ရင် အစိုးရက မှားတာလုပ်နေရင် ရဲရဲကြီးကို ထောက်ပြနိုင်ရပါတယ်၊ ဒါမှသာလျှင် တကယ့်အတိုက်အခံ စစ်စစ်ဟု ပီသစွာ ခေါ်ဆိုနိုင်မည်ဖြစ်ပါတယ်။

အခုတော့ ဒီလိုမဟုတ်ပါ၊ အတိုက်အခံ ပါတီက အစိုးရကို ထောက်ပြနိုင်ဖို့ နေနေသာသာ ၊အမှန်တရားကို ထုတ်ပြောမိတာနဲ့ ကိုယ်ရတဲ့နေရာလေးပျောက်သွားမှာစိုးရိမ်ရလို့ လို့ နှုတ်ပိတ်နေရတဲ့ဘဝ။ တကယ်က အွန်လိုင်းက ပြောမှ ပြုတာထက် မိမိကိုယ်ကို လူစိတ်ရှိအောင် မွေးနိုင်ကြရင် အဆင်ပြေပြီ။ ကျွန်တော်ကတော့ အဲဒီလို ပြည်သူတွေအပေါ် အစစ်အမှန် မေတ္တာမရှိတဲ့ အာဏာရှင်တွေအနေနဲ့ ရေကြီးတဲ့နေရာကို လှေနဲ့ပဲသွားသွား၊ ပုဆိုးခါးတောင်းကျိုက်ပြီးပဲသွားသွား၊ ခွေးကူးပဲကူးပြီးသွားသွား စိတ်မဝင်စားဘူးခင်မျ။ ရေဘေးဒါဏ်ခံနေရတဲ့ အောက်ခြေကပြည်သူတွေရဲ့ ဒုက္ခရောက်နေတဲ့အခြေအနေ ဘယ်လောက်တိုးတက်သွားပြီလည်း ရေဘယ်လောက်ကျသွားပြီလည်း ဆိုတာပဲ စိတ်ဝင်စားတယ်။

ဒီနေရာမှာ ဒီလို အစိုးရလို့ မသုံးပဲ အာဏာရှင် လို့ သုံးရတဲ့ အတွက်လည်း ကိုယ့်လိပ်ပြာကိုယ်သန့်တယ်။ အကြောင်းကတော့ ဘယ်ပြည်သူမှလဲ မထောက်ခံပဲကိုယ့် ဟာကို ခပ်တည်တည်နဲ့ အဝတ်အစားလဲပြီး လွှတ်တော် အအေးခန်းထဲ တက်ထိုင်နေတဲ့ လူတွေ အတွက် ဘယ်တုန်းကမှ မထောက်ခံဘူးသလို့ နာဂစ်တုန်းကလည်း ကိုယ့်အိမ်အမိုးတောင် ကောင်းကောင်းလုံအောင် မဖုံးနိုင်သေးတာတောင်မှ အခြေခံဥပဒေကို တကူးတက သွားပြီး ကြက်ခြေခတ်ကြီး သွားထည့်ပေးထားလို့ပါပဲ။

ဒီလိုပြောလို့ မင်းကကော ဘယ်လောက်တတ်လို့ နိုင်ငံရေးပါရဂူလုပ်ချင်ရတာလဲ?မင်းကကောဘယ်လောက် လုပ်ပြီးပြီမို့လို့လဲ ဆိုတဲ့ စကားနာထိုးချင်သူများအဖို့ တစ်ခါတည်းကြိုပြောလိုက်ပါ့မယ်။ဟုတ်ကဲ့၊ ကိုယ့်နိုင်ငံရဲ့ နိုင်ငံရေး အလှည့်အပြောင်း အချိုးအကွေ့တိုင်း လိုအပ်တဲ့ အချိန်တိုင်းမှာ ရေသာမခိုပဲ ပါဝင်ခဲ့ဖူးပါသည်။

အတိအကျ သိချင်ရင်လည်း ပြောပါ့မည်၊

၈၈ အရေးအခင်း မဖြစ်မှီ တနှစ် အလိုတွင်သာ မွေးပြီးလူဖြစ်လာရဖြစ်သည်။ ထို့ကြောင့် ၈၈ အရေးအခင်းဖြစ်ချိန်တွင် တစ်နှစ်ကျော်သာရှိသေးသည်။ သို့သော်လည်း အဲဒီ အချိန်တုန်းက ရင်သွေးငယ်များ သမဂ္ဂတို့၊ ပူတူတူးလေးများ ကွန်ရက်တို့ ဘာတို့ မပေါ်သေးတော့ အတီးတစ်ယောက်လည်း အဖေ၊ အမေ ရင်ခွင်ထဲတွင်သာနေရင်း ဆန္ဒပြ လူတန်းကြီးကိုကြည့်ကာ လက်ခုပ်သာတီးခဲ့ရလေသည်။

အလယ်တန်း၊ အထက်တန်း ကျောင်းသား ဘဝရောက်တော့ နည်းနည်းတိုးတက်လာသည်။
နိုင်ငံရေး အခြေအနေ ရုတ်ရုတ် ရုတ်ရုတ် ဖြစ်သည်ကြားသည်နှင့် တပြိုင်နက် ကျောင်းသို့မသွားတော့ပဲ ရန်ကုန် ဒလ သင်္ဘောအား တနေကုန် ခေါက်တုံ့ခေါက်ပြန်စီးခြင်း၊ ကမ်းနား၌ ရေကူးခြင်း၊ စွန်လွှတ်ခြင်း၊ငါးမျှားခြင်း၊ ရသမျှ မုန့်ဖိုးကုန်အောင် ဂိမ်းဆိုင်၌ ထိုင်ကာ ဂိမ်းဆော့ခြင်း စသည့် နည်းလမ်းမျိုးစုံနှင့် ကျောင်းမတက်ပဲ ကျောင်းပြေးကာ အာဏာရှင်အား တော်လှန်ခဲ့ဖူးသည်၊ ဒီထက်ပို၍ ဘာလုပ်လို့လုပ်ရမည်မှန်းလဲ မသိ၍ဖြစ်သည်။

ဒီလိုနဲ့ပဲ တက္တသိုလ် ကျောင်းသား ဘဝရောက်ပြန်တော့လည်း အဖြူရောင် ကမ်ပိန်းနှင့် ကြုံသည်နှင့် သူများထက် ထူးအောင် အပေါ်ကော အောက်က ဘောင်းဘီပါ အဖြူရောင် ထည်ထည်ကြီး ကိုယ်တိုင်လည်း ဝတ်သလို လူများတွေကိုလည်း လိုက်လံ နှိုးဆော်သဖြင့် ရုံးခန်းရောက်ကာ ကဲမင်းတို့တတွေ လက်ချာခန်းထဲ မရောက်ပဲ ထန်းတောထဲပဲ ရောက်နေမဲ့ အတူတူ စာမေးပွဲဖြေမှသာ လာဖြေကြတော့ကွာဟူ၍ ပါချုပ်၏ အနားပေးမှူကို ကြည်ဖြူစွာ ခံယူဖူးသည်။

ဟော ကျောင်းအပြီး သိပ်မကြာပါ။ ရွှေဝါရောင်တော်လှန်ရေး ဖြစ်သည်နှင့် အတူ မိုးဦးကျမှာ ပေါက်သည့်မှိုများ အလား များပြားလှသည့် ကျောင်းသားခေါင်းဆောင်ဆိုသည့်ကိုယ့်ထက် ငယ်သည့် ညီငယ်များ အကြား ကျောင်းသားနောက်လိုက် လုပ်ဖူးသည်။ရှေ့မထွက်ချင်၊ မထွက်ရဲ၍တော့ မဟုတ်။မဟုတ်က ဟုတ်က ပေါက်ကရ အော်နေသော သူငယ်ချင်းများ၊ညီငယ်များ၊ ဖျက်လိုဖျက်စီး လုပ်ချင်သော လူများ၊ စစ်သားတွေကို ခဲနဲ့ပြန်ထုနေသော လူများကိုသာပတ်ထိန်းရင်း တော်လှန်ရေး တလျှောက် ကျောင်းသားနောက်လိုက်အဖြင့် သာ အချိန် ကုန်သွားခဲ့ရသည်။

အခုမှ စကားစပ်ရင်းနဲ့ ကြုံလို့ သတိရတယ်။

မျိုးချစ်ဝါဒီများ၊ ဘာသာ သာသနာအတွက် သူရဲကောင်းများ၊ ၉၆၉ သင်္ကေတများ မှာ သံဃာတော်များ စစ်ဖိနပ်အောက်မှာ ရိုက်နှက်ခံ အသတ်ခံ ကန်ကြောက်ခံနေရတုန်းကတော့ ဘယ်ရောက်နေမှန်း မသိပါ။ တိုင်းပြည်မှာ အနည်းငယ်လွတ်လပ်ပွင့်လင်းမယ် ကြံကာရှိသည်၊ နောက်ပြန်လှည့်ရန် သက်သက်ဖြင့် ဘာသာရေး၊ လူမျိုးရေးကို ခုတုံးလုပ်ကာ အကြံပက်စက်ချင်နေကြပြီ။

မူရင်း ပို့စ် အဆိုကို ပြန်ကောက်ယူရသော်

အွန်လိုင်းပဲဖြစ်ဖြစ်၊ ဘယ်ကပဲဖြစ်ဖြစ် ပြောမှသိ ထိမှနာ တာထက်စာရင် လူပီသပြီး လူစိတ်ရှိစွာဖြင့်ပြည်သူမှန်ရင် ကျောသားရင်သား မခွဲခြားပဲ ဘယ်နေရာပဲရောက်ရောက် မဲရရန်သက်သက် စိတ်မကူးပဲ တကယ့် မေတ္တာစစ်နဲ့ သွားရောက် ကူညီပေးနိုင်ရန်သာလိုအပ်ပါသည်။

ရေကြီးတာလဲ ဒုက္ခသည်ဖြစ်သလို မီးရှို့ခံရတာလည်း ဒုက္ခသည်ဖြစ်ကြောင်း သိစေချင်သည်။
ခွေးကူးပဲကူးကူး၊လေးဘက်ထောက်ပြီးပဲရောက်အောင်လာလာ ကျွန်တော်တို့ ပြည်သူများမှ ဝမ်းပန်းတသာ ကြိုဆိုပါမည်ဖြစ်ပါကြောင်း။

အတီး (ဝါးလုံးရှည်)

ဂြီ နမော ဗုဒ္ဓဿ

သိုးဆောင်း ကုလား သက္ကရာဇ် ၂၀၀၀ နဲ့မှ ၁၃ ခုနှစ်၊၊ စက်တင်ဘာ လဆုတ်ရက်၏အလယ်ခေါင်တည့်တည့် ၁၅ရက်၊ ဆန်းဒေး။

ကော်နက်ရှင် မကောင်းသောဆင်းရဲ၊ ကားလမ်းပိတ်ကာ ထရက်ဖစ် မိရသော ဆင်းရဲ၊ မီးမလာ ရေပြတ် သောဆင်းရဲ၊ ခြင်ကိုက်သောဆင်းရဲ ၊ မြောင်းပိတ် ရေလျှံရသော ဆင်းရဲ၊ ဖုန်း ဘီလ် မလောက်မဌ ဖြစ်ရသော ဆင်းရဲ၊ လိုင်းကား ကြပ်ကာ ထောက်လှမ်းရေး အလုပ်ခံရသော ဆင်းရဲ၊ ဘောပွဲ ရှုံးရသော ဆင်းရဲ၊ အကြွေ မအမ်းနိုင်၍ သကြားလုံး၊တစ်ရှူးများ လက်ခံရသော ဆင်းရဲ၊ပိုက်ပိုက် ပြတ်၍ မာဆတ် ပုံမှန်မသွားရသောကြောင့် ကိုယ်လက်ညောင်းနာကိုက်ခဲ၍ အကြော အခြင်များ တောင့်တင်းရသော ဆင်းရဲ၊ လယ်မြေများ အတင်း အဓမ္မအသိမ်းခံရသော ဆင်းရဲ၊ဘွဲ့ရပြီးသော်လည်း အလုပ်လက်မဲ့ဖြစ်နေရသေးသောဆင်းရဲ၊၊ ထစ်ခနဲရှိ ဆန္ဒထပြကြသော ဆင်းရဲ၊ ကြက်ဥ အတု၊နို့မှုန့်အတုငရုတ်သီးမှုန့် အတုတို့ကို အတုမှန်း သိသိကြီးနဲ့ စားသုံးနေရသော ဆင်းရဲ၊ ဖေ့ဘုတ်ပေါ်တွင် ကြိုက်မှန်းမသိ မကြိုက်မှန်း မသိ ပို့စ်များတွင် အတင်းတဂ် လုပ်ခံရသော ဆင်းရဲ၊ဆိုင်ဆိုင်မဆိုင်ဆိုင် အတင်းဆရာကြီး ဝင်လုပ်ခံရသော ဆင်းရဲ၊ ဈေးများအား ပြောင်းရွှေ့ချင်၍ ချက်ချင်းလက်ငင်း ဝါယာရှော့ဖြစ်ကာ မီးလောင်၍ စီးပွါးပျက်ရသော ဆင်းရဲ၊ အမျိုးဘာသာ သာသနာ အတွက် ဘုမသိ ဘမသိ စိတ်ဆင်းရဲရသော ဆင်းရဲ၊ ကိုယ့်ဖင်ပြောင် ကိုယ်မမြင်ပဲ လူများဖင်ပေါက် လက်ညှိုးထိုးကာ ဟားတိုက်ရသော ဆင်းရဲ အစရှိသဖြင့် ဟိုဆင်းရဲ ဒီဆင်းရဲတို့ မျိုးစုံ နှိက်စက်ရသော ဤခေတ်ပျက်ကြီးအား စွန့်ထားခဲ့၍ စည်းကမ်းပြည့်ဝ၍ ခေတ်မှီ ဖွံ့ဖြိုးတိုးတက် သော သာပေါင်းညာစား ဒီမိုကရေစီ ဖက်ဆစ် နိုင်ငံတော် သစ်တရပ်ကြီး ပေါ်ထွန်းလာစေရန်နှင့်အတူ တိုင်းရင်းသားများ ငြိမ်းချမ်းစွာ အသက်ဇီဝိန် ချုပ်ငြိမ်းစေရန် အလို့ငှါရည်ရွယ်၍ ငါ၏ ချွေးနှဲစာမှ ဖြစ်ရသော စာရင်းပျောက် ဒေါ်လာ အစိမ်း ၁၁ ဘီလျှံ အား ကမ္ဘာ့ဘဏ် သို့ အကြွေးဖြင့် ငါပေးသွင်း၏။

ဤသို.လျှင် ငါပေးသွင်းသော ကောင်းကျိုးကုသိုလ် အဖို့ဘာဂ တို့အား စာဖတ်နေသူကြီးနှင့်တကွ သစ်ခွပန်းစိုက် ကော်ဖီရောင်း ပန်းချီပြခန်းဖွင့် ပြီး ဝမ်းစာရှာနေရသူတို့လဲ ရစေသတည်း။

တပ်ချုပ်ကြီး အစ လွှတ်တော် အဲယားကွန်းလေအေးအေး၌ စက်တော်ခေါ် နေကြသော တစ်မတ်သားတို့ အလယ်၊ အမဲရိုးကိုက်ကာ ငပိစား တိုက်ရသော မြန်မာ့ တပ်မတော်ဟု ဖေ့ဘုတ်ပေါ်တက် ကြုံးဝါးနေတတ်သော အဆဲ သခင် ဖင်ပိတ်ငြင်းနိုင်ကြသော ခွေးပေါက်စလေးများပါ မကျန် ရစေသတည်း။

လွှတ်တော် အတွင်းရှိ အွတ်ကထ ကြီးနှင့် တကွ လက်ညိုးထောင် ခေါင်းညိတ် ဘောင်းဘီဝတ် ဘောင်းဘီခ္ဈတ် ဖင်တုံးလုံး အမတ်မင်းများပါ မကျန် ရစေသတည်း။

အမေစုနှင့် တကွ သားသမီးများ၊ ဒီမိုသာကူး အူနုက္ဈဲခတ် နှင့်အတူ ရှစ်ပူး မျိုးဆက်များပါ မကျန် ရစေသတည်း။

ယခု လက်ရှိ သံမဒကြီး မိဘပြည်သူ ဦးသေးစိမ်နှင့် တကွ တော်လေးဝ ဝင် တနပ်စား ဝံကြီး၊ ဖယောင်းတိုင် ဝံကြီးတို့ အမှူးပြုသော ကြံ့ဖွတ် ဝံကြီး၊ ဝံလေး များပါ မကျန် ဖေ့ဘုတ်ဝံကြီး ဝူး ရဲထုဋ် မှတဆင့် ရစေသတည်း။

ကွကိုယ် ပြန်ပေးထားသော စတုထ္တ မဏ္ဍိုင် ထိုင်ကုန်း ထုံးကိုင် မီဒီယာ၊ လေဖန်းဒန်းစီး မီဒီယာ၊ မီးလောင်ရာ ဓာတ်ဆီလောင်း မီဒီယာ၊ ဖေ့ဘုတ်ပေါ်တတ် သတင်း လိုက်သလိုလိုနှင့် တင်သမျှ ကဗျာ၊သတင်း ဓာတ်ပုံများကို ခပ်တည်တည်နှင့် ခိုးချပြီး အလီဘာဘာ ၏ ခိုးနည်းလေးဆယ်ကို တဖက်ကမ်းခတ် တတ်မြောက်ထားသော ငတက်ပြား မီဒီယာ အပေါင်းတို့ လည်း အုံးအုံးကြွတ်ကြွတ် ရစေသတည်း။

ငါသည် လည်း အလှူရေစက် လက်နှင့် မကွာ ဤသို့ ပက်ပက်စက်စက် လှူဒန်း ရသော အကျိုးအား ကြောင့် စော်ကြည်၊ ထီပေါက်၊ သက်ရှည်၊ ကျန်းမာ၊ အလုပ်မလုပ်ပဲ ပိုက်ဆံဝင်၊ ဖေ့ဘုတ်ပေါ် ဘာပဲ တင်တင် လိုက်ခ် များများ ရစေလိုပါ၏။

အနှီ ငါ ရေးထိုးအပ်သော ဖေ့ဘုတ် ကျောက်စာကို ဣသာ မစ္စရိယစိတ်ထား ရှိကာ မနာလို မရူဆိတ် အခံဖြင့် အောက်က ကွန်မန့်ဘောက်တွင် ဆဲဆိုအံ့။ အမြင်မတူသော ကောမန့်များဖြင့် ဖင်ပိတ်ငြင်းအံ့။ ထို အကြင်သူသည် ယခု ဘွမှစ၍ ဘွ ဆက်တိုင်း ဆက်တိုင်း ဖေ့ဘုတ်ပေါ်တွင် ပို့စ်များ ရှယ်ခြင်း၊ ရေးခြင်း၊ မက်စေ့ပို့ခြင်း၊ ဖရန့်ရီကွတ် အသစ်ပို့ခြင်း အစရှိသည်များ အပြီးတိုင် ပိတ်၍၊ အပျိုကြီး ၊ လူပျိုကြီးများဖြစ်ကာ ငှက်ပျောတုံးဖက်၍ ရှောရပါစေသား။

ပုံ/
အတီး(ဝါးလုံးရှည်)

နို့ထိန်း ရွေးပွဲ

ကုန်းဘောင် ပဒေသရာဇ်ခေတ်က ဘုရင့်သားတော်၊သမီးတော်များအား အငှါးနို့ချို့တိုက်ကျွေးကြပုံကို လက်လှမ်းမှီသလောက် ပြန်တင်ပြလိုက်ရပါသည်။

ရှင်ဘုရင်တွေရဲ့ မိဖုရားကြီးများဟာ ပတ္တမြား ရွှေကြုပ် နှုတ်ငုံတော် သည် စတင် ထကြွ(ကိုယ်ဝန်ရှိ)လာသည်နှင့် တပြိုင်နက် နို့ထိန်း ( နာနီ)ရွေးပွဲကို အခမ်းအနားနှင့် စတင်ရွေးချယ်ကြတတ်ပါသည်။ ရှင်ဘုရင်ရဲ့ သားသမီးတွေကို နို့တိုက် ထိန်းကျောင်း ရမဲ့ လူဆိုတော့ တော်ရုံတန်ရုံ အရည်အချင်းမျိုးနဲ့လဲ မရနိုင်ပါဘူး။ ပထမဆုံးနဲ့အရေးကြီးဆုံး အချက်ကတော့ နို့တိုက်လက်စ သုံးလသား မိခင်ဖြစ်ရပါမယ်။ ကျန်းမာရေး ကောင်းမွန်ပြီး သန့်ရှင်းရမယ်။ ကိုယ်ဟန် အနေအထား ဝဝဖိုင့်ဖိုင့် ရှိရပါမယ်။(သားတော် သမီးတော်လေးတွေ နို့စို့ရင် ဇိမ်ရှိအောင်လို့ပါ။) အခုခေတ် မော်ဒယ်များလို အရိုးပဒေသာ ဖြစ်နေရင်တော့ တခါတည်းသာ လှည့်ပြန်ပေလေတော့။ အလွန်အရပ်ရှည်သော မိန်းမ၊ အလွန် အရပ်ပုသော မိန်းမ၊သားမြတ်ရှည် သောမိန်းမ၊ အသား အလွန်မည်းသော မိန်းမ၊အသား အလွန်ဖြူသော မိန်းမ၊ ချောင်းဆိုး သောမိန်းမ စသည်တို့ကိုလည်းပယ် ပါတယ်။

သင်ဟာ ဒီအချက်များနဲ့ လွတ်ကင်းပြီး သတ်မှတ်ချက်များနဲ့ ပြည့်စုံမယ်ဆိုရင်တော့ဖြင့် နို့ထိန်းရွေးပွဲကိုဝင်ရောက် ယှဉ်ပြိုင်လို့ ရနိုင်ပါပြီ၊ များသောအားဖြင့်တော့ နို့ထိန်း ရွေးပွဲကို ဒိုင်အဖြစ် ကြီးကြပ်ရသူတွေဟာ အသက်အရွယ် ကြီးရင့်ပြီး အတွေ့အကြုံများသူ အထိန်းတော်ကြီးများဖြစ်လေ့ရှိကြပါတယ်။ သတ်မှတ်ထားတဲ့ အချိန်ရောက်ပြီဆိုတာနဲ့ နို့ထိန်း ပြိုင်ပွဲ ဝင်သူတွေဟာ မတ်တပ်ရပ် တန်းစီပြီး တော့ လက်တွေ့ ပရက်တီကယ် အင်တာဗျူးကို ရင်တထိတ်ထိတ်နဲ့စောင့်ဆိုင်းနေကြရပါတယ်။ ဘာဖြစ်လို့လဲ ဆိုတော့ သာမန် အရပ်သားတွေ အဖို့ နို့ထိန်းဆိုတဲ့ ဂုဏ်ပုဒ်ဟာ အတော်အတန် မက်လောက်စရာ ရာထူးအလုပ်အကိုင်ဖြစ်တာကိုး။လစဉ် လစာတော်အပြင် ဆုတော် လာဒ်တော် ဘောက်ဆူးတွေလဲ ခဏခဏ ရတတ်ကြတာ။ ဒီကြားထဲမှာ ကိုယ်နို့တိုက်လာတဲ့ ကလေးတွေက ဘုရင်၊မိဘုရားတွေ ဖြစ်လာရင်တော့ စိုင်ကော်လို့ ချုံပေါ်ရောက်ဆိုသလို နို့မယ်တော်ဆိုပြီး တဆောင်တယောင်နဲ့ တခမ်းတနားနေကြရမှာ မဟုတ်လား?

ကဲ နို့တိုက်မယ်တော် ရွေးနည်းကိုပြောလိုက်ကြရအောင်။ သတ်မှတ်ထားတဲ့ အချိန်ကြပြီ ဆိုတာနဲ့ အပျိုတော် ခပ်ငယ်ငယ်လေးတစ်ဦးဟာ ရေထည့်ထားတဲ့ ရွှေဖလား နဲ့ ရောက်လာပြီး ဝင်ရောက်ယှဉ်ပြိုင်မဲ့ အမျိုးသမီးရဲ့ နို့ရည်ကို ရွှေဖလားထဲကို ညှစ်ချကြည့်လိုက်ပါတယ်။ ပြီးနောက် ရွှေဖလားထဲက အခြေအနေကို ကြည့် နို့အမျိုးအစားခွဲခြားပြီးနောက်မှ နို့ထိန်းမယ်တော်များကို စတင်ရွေးချယ်ပါတော့တယ်။

"နို့ ကပ်စေးနည်း"
ရွှေဖလားထဲကို ညှစ်ချလိုက်တဲ့ နို့ရည်ဟာ ကောင်းစွာ မကျပဲ တစ်စက်နှစ်စက်လောက်သာ အိမ်တံစက်မြိတ်မှ မိုးရေ လေးတွေ ကျသလိုမျိုး ကျရင်တော့ ပယ်ပါတယ်။ ဒါဟာ နို့ကပ်စေးနည်းပါတဲ့။ ဟုတ်တယ်လေ၊ ဒါမျိုးဆိုရင်တော့ သားတော်သမီးတော်လေးမှာ အာဟာရ မရနိုင်ပဲ သရောကြီးခိုင်ရချည်ရဲ့။ ဒါမျိုးကိုတော့ ပယ်ပါတယ်။

"နို့ငန်းတော်ကျား"
ရွှေဖလားထဲကို ညှစ်ချလိုက်တဲ့ နို့ရည် နို့တန်းဟာ ကောင်းစွာ ထွက်ရှိသော်လည်း ဖလားထဲရှိ ရေထဲ၌ ကွေ့ကောက် ဝေ့ဝိုက် စွာမြွှေတစ်ကောင် ရေကူးသွားသလိုဖြစ်ရင်တော့ ပယ်ပါတယ်။နို့ငန်းတော်ကျားပါတဲ့၊ ဒီလိုနို့မျိုးက ကလေးတွေက မတိုက်သင့်ဘူးပေါ့ကွယ်။

"နို့တန်းကျ"
ရွှေဖလားထဲကို ညှစ်ချလိုက်တဲ့ နို့ရည် နို့တန်းဟာ ကောင်းကောင်းလည်းထွက်မယ်။ ဖလားထဲမှာ ရှိတဲ့ ရေထဲကို ရေကူးချန်ပီယံတစ်ယောက် ရေထဲကို ဒိုင်ဗင်ထိုးချလိုက်သလိုမျိုး စွတ်ခနဲ စိုက်စိုက်မတ်မတ် ဝင်သွားပြီ ဆိုရင်တော့ ဒါဟာ နို့တန်းကျပါတဲ့။ ဒီလို နို့ အမျိုးအစား မှသာလျှင် ကမ္ဘာ့အကောင်းဆုံး နို့ အမျိုးအစား စာရင်းဝင်ပြီး သားတော်၊သမီးတော်လေးတွေကို တိုက်ဖို့ နို့ထိန်းမယ်တော် အဖြစ် တင်းပြည့်ကျပ်ပြည့် အရွေးခံရပါတော့ သတဲ့ကွယ်။

အတီး (ဝါးလုံးရှည်)

၁၈၂၄ ခုနှစ်မှ ရန်ကုန်မြို့မြေပုံ

မုန်းတီးရေး မီဒီယာ၊ သွေးထိုး လှူံ့ဆော်မှူနှင့် ဦးဆောင်ခဲ့သူတို့၏ နိဂုံး

Photo Credit: Internet

၁၉၉၄ခုနှစ် ရဝမ်ဒါ လူမျိုးတုန်း သတ်ဖြတ်မှူကြီး အပြီးမှာတော့ သတ်ဖြတ်မှုတွက် အဓိကတာဝန်ရှိသူတွေကို နိုင်ငံတကာတရားရုံးမှ တရားစွဲဆိုခဲ့ရာမှာ ထူးခြားချက်အနေနဲ့ "ဟဆန်ဂီဇီ"၊ "ဂျင်း ဘော့စကို" နဲ့ "ဖာဒီနန် နဟီမားနား" လို့ အမည်ရတဲ့ နာမည်ကြီး မီဒီယာ သမားသုံးယောက်လဲ ပါဝင်ပါတယ်။

၁၉၉၀ခုနှစ် အစောပိုင်းမှာပဲ ရဝမ်ဒါဘာသာ စကားနဲ့”နိုးထကြလော့”ဟု အဓိပ္ပာယ်ရပြီး “ကန်ဂူရ(Kangura)” ဆိုတဲ့ ဂျာနယ်တစောင်ကို "ဟဆန်ဂီဇီ" (၂၀၀၃ခုနှစ်တွင် နိုင်ငံတကာ တရားရုံးမှ တသက်တကျွန်းအမိန့်ကျပြီး ယခု မာလီနိုင်ငံ အကျဉ်းထောင်တွင် အပြစ်ဒဏ်ကို ခံစားလျှက်ရှိသူ) ဆိုတဲ့ အစွန်းရောက် ဟူတူအမျိုးသားတစ်ယောက်က စတင်တည်ထောင်ခဲ့ပါတယ်။ အရေးအခင်းကာလ အတွင်းမှာလဲ ကန်ဂူရဂျာနယ်ဟာ ဟူတူတွေအပေါ် လွန်ကဲတဲ့ မျိုးချစ်စိတ်ဓာတ်ပြင်းထန်လာအောင် တိုက်တွန်းပြီး တွတ်စီတွေအပေါ်မှာ သနားကြင်နာဖို့မလိုကြောင်းကို မှန်မှန်တင်ဆက်ပေးနေပါတော့တယ်။ ဒါ့အပြင် ရဝမ်ဒါအစိုးရပိုင် ရေဒီယိုနှစ်ခုဟာ အရေးအခင်းကာလအတွင်း အသံလွှင့်တဲ့နေရာမှာ တွက်စီလူမျိုးတွေဟာ ရဝမ်ဒါနိုင်ငံမှာ၊ ပိုးဟပ်များလို အသုံးမဝင်ဘဲ ဆိုးကျိုးကိုသာ ပေးတာမို့သတ်ဖြတ်ပစ်ဖို့လိုကြောင်း ဝါဒဖြန့်ခဲ့တာ ဖြစ်ပါတယ်။ အဲသလို ရေဒီယိုကနေ လှုံ့ဆော်အပြီး နာရီပိုင်းအတွင်းမှာ တွတ်စီလူမျိုးများ စတင်အသတ်ခံရပါတော့တယ်။ ဖြစ်ပေါ်လာတဲ့ နောက်ဆက်တွဲ ရလဒ်ကတော့ သိပ်ပြီးမကောင်းလှပါဘူး။ ယခုလက်ရှိ ရေဒီယိုအစီအစဉ်နှစ်ခုက တာဝန်ရှိသူတွေဟာ တသက်တကျွန်းပြစ်ဒဏ်ကို ကန်ဂူရဂျာနယ်တိုက်ပိုင်ရှင်နဲ့ အတူခံစားနေရပါတယ်။

"ဖာဒီနန် နဟီမားနား" ကတော့ Radio Télévision Libre des Mille Collines ကိုတည်ထောင်သူ တစ်ဦးဖြစ်ကာ ပြင်သစ် ဒီးဒရော့ ယူနီဗာစီတီ ထွက် ပညာတတ်တစ်ဦးလည်းဖြစ်သည်။ ထို့ပြင် စာရေးဆရာနှင့် သမိုင်းပညာရှင်တစ်ဦးလည်းဖြစ်ကာ ရဝမ်ဒါ သမိုင်းနှင့် ပတ်သတ်၍ အငြင်းပွါးဖွယ် စာအုပ်စာတမ်းများစွာကို ပြုစုရေးသားခဲ့သူတစ်ယောက်လည်းဖြစ်သည်။ အရေး အခင်း ကာလ အတွင်း သူတည်ထောင်ခဲ့သော ရေဒီယိုမှ မဟုတ်မမှန်သော သတင်းများနှင့် အမုန်းတရားများကို လေလှိုင်းမှ တဆင့် လှုံ့ဆော်ခဲ့သောကြောင့် နိုင်ငံတကာခုံရုံး၌ တစ်သက်တကျွန်း ပြစ်ဒါဏ်ကိုခံစားခဲ့ရသည်။ သို့သော်လည်း သူ၏ အယူခံဝင်မှူကြောင့် တစ်သက်တကျွန်း ပြစ်ဒါဏ်မှ အနှစ် ၃၀ သို့ ပြောင်းလဲ လျှော့ပေါ့ပေးကာ ယနေ့ထိတိုင်အောင် မာလီ နိုင်ငံရှိ အကျဉ်းထောင်တစ်ခုတွင် အပြစ်ဒါဏ်ကို ခံစားလျက်ရှိသေးသည်။

"ဂျင်း ဘော့စကို" ဟာလည်း Radio Télévision Libre des Mille Collines မှ တာဝန်ရှိသူတစ်ဦးဖြစ်ကာ မဟုတ်မမှန် ဝါဒဖြန့်မှူ များအတွက် ထောင်ဒါဏ် ၃၅ ပြစ်ဒါဏ်ချမှတ်ခံရကာ ဘီနင် ရီပတ်ဗလစ် နိုင်ငံရှိ အကျဉ်းထောင်အတွင်း အပြစ်ဒါဏ်ကို ခံစားနေဆဲတွင်ပင်ဧပြီလ ၂၅ ရက် ၂၀၁၀ ခုနှစ်၌တွင်ပင် အသည်းရောင် အသားဝါ စီပိုး ဖြင့် ကွယ်လွန်သွားရရှာလေသည်။

အထက်ပါ လူများ အားလုံး ကိုင်တွယ်ခဲ့သော ဂျာနယ်၊ ရေဒီယို အစီအစဉ် များမှာ ထို အချိန်က ရိုးသားသော ပြည်သူများအတွင်း အမျိုးသား၊ မျိုးချစ်၊ ဝံသာနု၊ စည်းလုံးညီညွတ်ရေးဟူသော စကားလုံးများကို အသုံးပြုပြီး မျိုးချစ်စိတ်ဓာတ်ကို ပိုမိုပြင်းထန်အောင်ပြုလုပ်ကာ မီဒီယာများမှတဆင့် ထုတ်လွှင့်တင်ဆက်မှူကြောင့် လူကြိုက် အများဆုံး၊ရေပန်း အစားဆုံးနှင့် အောင်မြင်မှူ များ ဖြစ်ခဲ့သော်လည်း အရေးအခင်းကြီး ပြီးဆုံးသွားချိန်မှာတော့ ရည်ရွယ်ချက် မကောင်းမှူကြောင့် အထက်မှာ တင်ပြခဲ့သည့် အတိုင်း လူ့ဘဝ ၏နေဝင်ချိန်များကို သံတိုင်များနောက်တွင် လူမသိ၊သူမသိ ကုန်ဆုံးသွားခဲ့ရလေသည်။

တူညီသော အချက်များမှာကား ၄င်းတို့ မုန်းတီးခဲ့သည့်လူများအား ဘာသာကွဲဒိဋ္ဌိများ၊ အရိုင်းအစိုင်းများ၊ ဥပဒေ နှင့် မညီသော အမှူများကို ပြူလုပ်လေ့ရှိသူများ အောက်တန်းစားလူမျိုးများ၊ ခွဲထွက်ရေးသမားများ၊ သောင်းကျန်းသူအဖျက်သမား၊ အကြမ်းဖက်သမားများ၊ ဖောက်ပြန်ရေး သမားများ၊ ယဉ်ကျေးမှူ ကို ဖျက်ဆီးမည့်သူများ စသည်ဖြင့် တံဆိပ်အမျိုးမျိုးကပ်ပြီး အလိုရှိသည့်ပစ်မှတ်ကို အများနဲ့မတူသည့်နေရာသို့ရောက်အောင် အခြား နိုင်ငံသားများနှင့် မတူ ကွဲပြားစေရန်ကြိုတင်လုပ်ဆောင်လေ့ရှိကြသည်။ ကိုယ့်အတွက်ကိုမူ ယဉ်ကျေးမှူ မြင့်မားသူများ၊ မြင့်မြတ်သောလူမျိုးများ၊ မဟုတ်မခံ စိတ်ရှိသူများ၊ သူရဲကောင်း စိတ်ဓာတ်ရှိသူများ၊ အမျိုးဘာသာသာသနာသန့်ရှင်းတည်တံ့ရေးကို စောင့်ထိန်းသူများ၊ တိုင်းပြည်ကို အဓိကစောင့်ရှောက်နေရသူများ၊ စသည်ဖြင့် မိမိတို့ကိုယ်မိမိ ပြန်သတ်မှတ်ကြခြင်းပင်ဖြစ်သည်။

တနည်းဆိုရသော် လူသားတိုင်းမှာ ပါရှိသည့် အတ္တ ဟူသော ချို့ယွင်းချက်ကို နားလည်ထားကြပြီး မိမိတို့ ကိုယ်ကျိုးနှင့် မုန်းတီးမှူများ အတွက် ပြည်သူများကို ချနင်း၍ အသုံးချသွားခြင်းပင်ဖြစ်သည်။ ထိုအတ္တလွန်ကဲ ချို့ယွင်းချက်သည် နဂို မွေးရာပါ ဉာဏ်ရည် ဉာဏ်မပြည့် မှီသောကြောင့်ဖြစ်နိုင်သလို ၊ ကိုယ်မွေးဖွားကြီးပြင်းရာ ပတ်ဝန်းကျင်မှ ငါတကောကောသည့် အယူအဆများ ငယ်စဉ်မှ စ၍ နှစ်ရှည်လများ တစတစ ရိုက်သွင်းခံထားခြင်း သို့ လူတန်းစား တစ်ရပ်ကိုဦးတည်၍ ပတ်ဝန်းကျင်နှင့် လိုက်လျော ညီထွေ ဖြစ်စွာ မနေနိုင်စေရင် Brain wash လုပ်ခံထားရခြင်း (သို့) မှိုင်းတိုက်ခံထားရခြင်းမျိုးလည်းဖြစ်နိုင်ပါသည်။

တိုးတက်ရန် လမ်းစပြုနေပြီဖြစ်သော မြန်မာလူ့အဖွဲ့အစည်းတွင် စေတနာအစစ်အမှန်ရှိလျှင် မြေယာ အငြင်းပွါးမှူ ပြဿနာများ၊ အလုပ်လက်မဲ့ နှင့် ကောင်းမွန်သော ပညာရေးစနစ်နှင့် အလှမ်းဝေးနေသေးခြင်း တို့ကဲ့သို့သော အရေးတကြီးလုပ်စရာ ပြဿနာ အများအပြားရှိနေပါသေးသည်။ လူမှုရေး ဘာသာရေးခွဲခြားမှုများက ညီညွတ်ရေးနှင့် ငြိမ်းချမ်းရေးကို ပြင်းပြင်းထန်ထန် ဖြိုခွဲသည့်အတွက် ဦးဆောင်သူများ၏ ရည်ရွယ်ချက်မှာ မြန်မာပြည်သူများ၏ ကောင်းကျိုးကိုမလိုလားပဲ ဆိုးရွားသော အခြေအနေကိုသာလျှင်ဦးတည်သွားစေနိုင်ကြောင်း ထင်ထင်ရှားရှားမြင်တွေ့နိုင်သလို ထို့ ဦးဆောင်သူများ၏ နိဂုံးဟာ လည်း သိပ်မကောင်းလှကြောင်းကို ထင်ထင်ရှားရှားမြင်တွေ့နိုင်ပါသည်ဟု တင်ပြလိုက်ရပါသည်ခင်မျာ။

ဆက်စပ်ပို့စ် ဖတ်ရှုရန်=> ၁၉၉၄ ခုနှစ် အာဖရိကတိုက် ရဝမ်ဒါနိုင်ငံမှ လူမျိုးတုန်းသတ်ဖြတ်မှု

အတီး (ဝါးလုံးရှည်)

ကိုမြတ်သိန်းထွန်း ဆီသို့ ပြန်ကြားချက် (ဘင်္ဂလီများနှင့် မြန်မာလူ့အဖွဲ့အစည်း အပိုင်း၁၀(က))

ထင်တောင်မထင်ထားပါဘူး၊ တကယ်ပါ။ ကိုမြတ်သိန်းထွန်းကိုယ်တိုင်ရေးထားတာမှဟုတ်ရဲ့လားတောင် သံသယဖြစ်မိပါတယ်။

ကိုမြတ်သိန်းထွန်းရဲ့ သမိုင်းကြောင်းဆိုင်ရာချေပချက်တွေကို တောက်လျှောက်ဖတ်လာလိုက်တာ အခုနောက်ပိုင်း ကိုမြတ်သိန်းထွန်းရဲ့ ပြန်ကြားချက်တွေဟာ သမိုင်းနဲ့ မတူပဲ ပိုပြီး စိတ်ကူးယဉ်ဆန်လာတယ်လို့ထင်ပါတယ်။ အစပိုင်း ရေးတဲ့ ပို့စ်တွေမှာတော့ ကိုမြတ်သိန်းထွန်းရဲ့ ချေပချက်တွေဟာ အထောက်အထား စုံလင်စွာနဲ့ သမိုင်းအမြင်ကို မတူညီတဲ့ ရှူထောင့်တွေမှ ဖတ်ရှူခဲ့ရလို့ ကျွန်တော်ဟာ ကိုမြတ်သိန်းထွန်းရဲ့ စာဖတ် ပရိသတ်တစ်ယောက်ဖြစ်ခဲ့ပေမဲ့ အခုနောက်ပိုင်းမှာတော့ ဘာ အထောက်အထားမှမတင်ပြတော့ပဲသမိုင်းအဖြစ်အပျက်တွေကို လူတစ်ယောက်က စိတ်ကူး ကွန့်မြူးပြီး ရေးသားထားတာကို ဖတ်နေရပါတယ်။

ကိုရဲရင့် သစ္စာ နေရာမှာ ကျွန်တော်သာဆိုရင်တော့ အထောက်အထား မယ်မယ်ရရမပါရှိတဲ့ပါတဲ့ စာတစ်ပုဒ်ကို အဖတ်လုပ်ပြီး အကြောင်းပြန်ချင်မှာတောင်မဟုတ်ပါ။

အခု ကိုမြတ်သိန်းထွန်း ရေးသားထားသည့် ဘင်္ဂလီများနှင့် မြန်မာလူ့အဖွဲ့အစည်း အပိုင်း၁၀(က) မှာ ပါရှိသည့် သမိုင်းအထောက်အထားဆိုလို့ ရခိုင်မင်းသမီး ဧချင်းတစ်ပုဒ်သာပါတာကိုတွေ့ရသည်။

"ဧချင်းဆိုတာက အားလုံးသိကြတဲ့အတိုင်းပါပဲ မင်းသမီး၊ မင်းသားငယ်များအား ဧယင်တော် မင်္ဂလာကျင်းပသည့် အခါများတွင် ပုခက်တွင်း၌သိပ်၍ ပုခက်ကိုလွှဲရင်း သီဆိုကျူးရင့် ချော့မော့ရသော ကဗျာဖြစ်၍ ဂီတ အမျိုးအစား သီချင်းတစ်ပုဒ် ပင်ဖြစ်သည်။ "

ကိုမြတ်သိန်းထွန်း အနေနဲ့ ရှေးဟောင်းရခိုင်ရာဇဝင် ပေစာတွေ အားလုံးကို ပယ်ပြီး ဒီလို ပုခက်လွှဲ သားချော့တေး တစ်ပုဒ်ကို တင်ပြကာ မူလ ရှေး ရခိုင်ရာဇဝင် သမိုင်းကို ငြင်းဆန်ရဲတဲ့ စိတ်ကူးကိုတော့ ကျွန်တော် မစဉ်းစားရဲလောက်အောင်ကို ဖြစ်မိပါတယ်။ သားချော့တေးဟာ စာပေ ယဉ်ကျေးမှူ၊ စကားလုံး ဝေါဟာရတွေရဲ့ သမိုင်းကြောင်းကို ကောင်းကောင်းကြီးဖော်ပြနိုင်ပေမဲ့ အဲဒီထဲကပါတဲ့ အကြောင်းအရာတွေကို ရာဇဝင် အထောက်အထားအနေနဲ့ မှတ်ယူဖို့ကတော့ သမိုင်းပညာရှင်တွေအနေနဲ့ လက်ခံလို့ မရနိုင်ပါဘူး။ သားချော့တေးနဲ့ ရာဇဝင်ကျမ်း တစ်စောင်ဟာ ဘယ်ဟာက ခိုင်မာ တိကျနိုင်သလဲဆိုတာ အသိဉာဏ် ပုံမှန်ရှိတဲ့ လူတစ်ယောက်တောင် စဉ်းစားမိနိုင်ပါတယ်။ ရှေးခေတ်က ရှေးရခိုင်ဘုရင်တွေ ဟာ ဘင်္ဂလီကုလားတွေဆီက စစ်ကူ မယူခဲ့ဘူးဆိုတာကို အကြောင်းပြချင်ယုံသက်သက်နဲ့တော့ ဒီသားချော့တေးတစ်ပုဒ်နဲ့ ရှေးရခိုင်ရာဇဝင်ကို ဘယ်လိုမှ ချေပလို့မရနိုင်သလို ပြုစုတဲ့ ရခိုင်ရာဇဝင်ဆရာ တွေဟာ ရာဇဝင်ဆရာမဖြစ်ထိုက်တဲ့ အရည်အချင်း မရှိလို့ ရခိုင်ရာဇဝင်ကျမ်း အကုန်လုံးကို ပယ်ချလို့လဲ မဖြစ်နိုင်ပါဘူး။ (ဘာဖြစ်လို့လဲ ဆိုတော့ ရာဇဝင်ကျမ်းတွေက သိပ်မှမရှိတာ။ ရှိတဲ့ဟာလေးကို ပယ်ချလိုက်ရင် နောက်ပိုင်း ကိုးကားစရာမရှိတော့လို့)

တကယ့်တကယ်တမ်းမှာတော့ ရှေးဟောင်း ရခိုင်ဘုရင်တွေဟာ ဘင်္ဂလီကုလားတွေဆီက စစ်ကူယူခဲ့တာပဲ ဖြစ်ဖြစ်၊ မယူခဲ့တာပဲဖြစ်ဖြစ် အဲဒီ ကိစ္စကြီးက ဘာမှ ရှက်စရာမဟုတ်သလို ကျေးဇူးတင်စရာလဲမလိုပါ။ ဘာဖြစ်လို့လဲ ဆိုတော့ အဲဒီခေတ် အခါက အင်အားကြီးသူက အနိုင်ရတတ်တဲ့ လျှင်သူစား စတမ်း ပဒေသရာဇ် ခေတ်ဖြစ်နေလို့ပါပဲ။

အနီးစပ်ဆုံး ဥပမာ အနေနဲ့ပြရရင် သမိုင်းတစ်လျှောက်လုံးမှာ မြန်မာတွေ မွန်တွေဟာ အင်အားနည်းနေတဲ့ အချိန်မျိုးမှာ အိမ်နီးချင်း ယိုးဒယားတွေကို လက်ဆောင်ပဏ္ဏာဆက်၊ သမီးကညာ ပို့ရင်း အပြိုင် အဆိုင် သမီး ယောက်ဖ သားမက်နဲ့ ယောက္ခမ ပြေးတော်ကြပေမဲ့လည်း အချင်းချင်းညီညွှတ်ပြီး အားကောင်းလာတဲ့ အချိန်ကျရင်တော့ ယိုးဒယားထိ တကူးတက သွားပြီး စွာတတ်ကြတာ ပါပဲ။ ယိုးဒယားဘက်မှလည်း အခါအခွင့်သာရင် မြန်မာနယ်တွေကို တက်တက်သိမ်းနေခဲ့ဖူးတာပါပဲ။(မဂဒူးမင်းနောက်ပိုင်း မွန်မင်းတွေဟာ ဒါကြောင့် မွန်သွေးတစ်ဝက် ယိုးဒယားသွေးတစ်ဝက်တောင်ဖြစ်နေပါပြီ)ဒါတွေဟာ သမိုင်းအမှန်တွေဖြစ်လို့ လက်ခံရမှာပါပဲ။ ရှေးရခိုင်တွေဟာ ဘင်္ဂလီတွေဆီက စစ်ကူယူခဲ့ဘူးပြီး နောက်ပိုင်းကျတော့ ဘင်္ဂါ ၁၂မြို့ကို ပြန်သိမ်းခဲ့လို့ ရခိုင်လူမျိုးတွေဟာ ကျေးဇူးကန်းတဲ့လူမျိုးတွေဖြစ်တယ်လို့ မယူဆနိုင်ပါ။

အချုပ်အားဖြင့် ပြောရရင်တော့ သမိုင်းကွက်လပ်တစ်ခုကို ဖြည့်ဖို့ရာမှာ ခိုင်လုံအထောက်အထားမရှိပဲ မိမိအထင် အမြင် စိတ်ကူးသက်သက်ကြီးနဲ့ ဝင်ရောက်ဖြည့်ပေးလို့မရနိုင်ပါ။ဘာဖြစ်လို့လဲဆိုတော့ အဲဒီ ခေတ်က နိုင်ငံရေးစနစ်၊ လူမှူရေး စနစ် အပြင် လူတွေရဲ့ စဉ်းစားတွေးခေါ်ပုံတွေဟာ ယခုလက်ရှိ ခေတ် လူတွေရဲ့ ဦးနှောက်နဲ့ စဉ်းစားတွေ့ခေါ်ပုံတွေဟာ မတူလို့ပါပဲ။ ဒီလိုကွက်လပ်တွေကို ဖြည့်ချင်ရင်တော့ ဒီထက်ပိုပြီး စနစ်တကျနဲ့ ကျယ်ကျယ်ပြန့်ပြန့် သုတေသန လုပ်သင့်ပါတယ်။

ဒါကြောင့် ဘင်္ဂလီတွေ ဆီက စစ်ကူမယူခဲ့ဖူးလို့ ငြင်းချင်တာကြောင့် ရာဇဝင်စာပေတွေကို ငြင်းပယ်ပြီး သားချော့တေးတစ်ပုဒ်ကို တင်ပြရဲတဲ့ ကိုမြတ်သိန်းထွန်းရဲ့ အဖြစ်ဟာ ဒယ်အိုးထဲမှာပူလို့ မီးပုံထဲခုန်ချတဲ့ အဖြစ်နဲ့တူနေပါကြောင်း။

အပိုင်း(ခ) အတွက် ထပ်မံရေးသားပါမည်။

အတီး (ဝါးလုံးရှည်)

မြန်မာ့ နွေရူး

မြန်မာ့ နွေရူး
ကျောက်ရူးထကာ
မျိုးချစ်သမိုင်းသစ် ထုဆစ်ချင်မိ
သို့ပါသော်ငြား
မလုပ် မရှုပ် မပြုတ် သူများ
ပေါများလှသော ပြည်မြန်မာဝယ်
ဖွတ်မိချောင်းဖြစ် မြစ်မချမ်းသာ
လက်ထောင် ခေါင်းညိတ်
ဒါပဲ တတ်၏။

ခပ်တည်တည်နှင့် ခုံရုံးလွှတ်တော် ဝင်အိပ်ပျော်သော်
ဒေါင်းမင်းသမီး အကြံ ပူးသတ်ရန်နှင့်
ညောင်သီးလည်းစား လေးသံလည်းစွင့်
ကြိုးစားပါငြား ဖြစ်မလာပဲ
ထမင်းငတ်၍ ဇာတ်ထဲဝင်
နှဲကြီးတက်နင်း လျော်ကိန်းဆိုက်ရ

မဆီမဆိုင် အလီဘိုင် နှင့် ဘန်ဂါ ကုလား
မဲမဲမြင်ရာ ဝင်ဆဲပါမှ စိတ် အလိုကျ
အာဏာရှင်မေ့ ထမင်းမေ့ ဟင်းမေ့
၉၆၉ သံ တစီစီညံ

ကုလားစာမှ ဆင်းသက်လာသော စာသည် တို့စာ
တိဗက်ပျက် မှ ဆင်းသက်လာသော စကားသည် တို့စကား
တို့စာကို ချစ်ပါ၊
တို့စကားကို လေးစားပါ၊
တို့ပြည်ကို မြတ်နိုးပါ။

ကမ္ဘာမြေ တုန်ဟီး
ပင်လယ်ရေတွေ ကုန်အောင်သောက်
ပလ္လင်ပေါ်က မျောက်ကလေး ဆင်းတယ်လို့ပြေး
ဂျာအေး

အဲဒါမှ ဗုဒ္ဓဝါဒ ကမ္ဘာ့မင်္ဂလာပေ။

အတီး (ဝါးလုံးရှည်)
ဒမသက( ဒီမို သာကူးများ ပါတီ)

ကိုယ်ချင်းစာတရား

Photo Credit: Internet

ကမ္ဘာပေါ်ရှိ လူသားများ ကိုးကွယ်သည့် ဘာသာတိုင်းနှင့် အကျုံးဝင်ပြီး လောက ဆက်ဆံရေးတွင် အရေးကြီးဆုံးသော အရာသည် ကား အခြားမဟုတ် လူလူချင်း ကိုယ်ချင်းစာတရား ပင်ဖြစ်သည်။ မိမိကိုးကွယ်သည့် ဘာသာ အပေါ်မည်မျှပင် ကိုင်းရှိုင်းစေကာမူ၊ အဘယ်မျှပင် ချစ်မြတ်နိုး ၍ ကြည်ညိုစေကာမူ ကိုယ်ချင်းစာတရား မရှိသော လူသည် အရွယ်အစား ကြီးမားသော်လည်း အတွင်းတွင် အဆီအနှစ် ဘာမှမရှိပဲ အတွင်းလှိုဏ်စားကာ အခြေမခိုင် ခြောက်သွေ့နေသည့် သစ်ပင်ကြီးနှင့်သာ တူတော့သည်။ အခန့်မသင့်၍ လေကြမ်းကြမ်း သို့မဟုတ် ရုတ်တရက် ဖောက်လွဲဖောက်ပြန်ဖြစ်တတ်သည့် ဥတုရာသီနှင့် ကြုံရပါက အချိန်မရွေးပြိုလဲသွားနိုင်သည်။ ထိုနည်းတူစွာပင် ဘာသာတရားကိုင်းရှိုင်းသော်လည်း ထိုသူ၏ ဦးနှောက် အသိဉာဏ်ထဲတွင် ဘာသာတိုင်း၏ အခြေခံ သဘောတရားဖြစ်သည့် ကိုယ်ချင်းစာ တရား မရှိပါမူ အချည်းနှီးပင် ဖြစ်သည်။ အခန့်မသင့်၍ တစ်စုံတခုသော အကြောင်း အရာတစ်ခုကို အရင်းပြု၍ ဝါဒမှိုင်းတိုက်ခြင်းခံရပါမူ ဒုစရိုက် အကြမ်းဖက် သမားတစ်ဦး အဖြစ်ပင်ပြောင်းလဲသွားနိုင်သည်။ လူ သတ္တဝါတိုင်းတွင် တွေ့ရတတ်သော အကျင့်တစ်ခုမှာ သက္ကာယ ဒိဋ္ဌိ ဟူသော ငါစွဲ အတ္တ ရှိတတ်ကြသည်သာ ဖြစ်၍ ငါ့လူမျိုး၊ငါ့နိုင်ငံ၊ ငါ့ဘာသာ ဟူ၍ အဆုံးမှာတော့ ငါ ကောင်းဖို့တည်း ဟူသော ရှူထောင့်မှ ကြည့်တတ်ကြသည်သာချည်းဖြစ်၏။

ပြဿနာတစ်ခုကို ရှူမြင်သည့် အခါတိုင်းတွင် တရား မျှတခြင်း ရှိမရှိ၊ သဘာဝ ကျလား မကျလား ဆိုတာ အပထား လို့ ဟ ဒီလိုဆိုရင်တော့ ငါ့ အကျိုးယုတ်မှာပဲ ဟယ် ဒီလိုဆိုရင်တော့ဖြင့် ငါ့ အကျိုးရှိလိမ့်မည် ဟူသော အမြင်မျိုးများဖြင့် ပြူလုပ်ဖန်တီး မိသော လူတို့၏ လုပ်ရပ်များမှာ ထိုသူတို့၏ ရည်ရွယ်ရာသို့ မရောက်တတ်ပဲ အလွဲလွဲ အချော်ချော်နှင့် အရှက်တကွဲ အကျိုးနည်းဖြစ်ကာ နောက်ဆုံးတွင်တော့ မြောင်းထဲသာ ရောက်သွားတတ်သည်သာဖြစ်သည်။ ကျွန်တော် ဆိုလိုသည်မှာ ကိုယ်ချင်းစာတရားထားတတ်သောသူသည် ချမ်းသာသောလူ၊ ဂုဏ်ရှိသောသူ၊ အာဏာရှိသောသူ စသည့် လူများထက် သာလွန်မြင့်မြတ်ပေသည်။

အတီး (ဝါးလုံးရှည်)